سندھ رینجرز اور پولیس کی جانب سے مشترکہ آپریشن کے دوران 2 مغوی بچے بازیاب کرالئے گئے ہیں۔

تفصیلات کے مطابق تھانہ شاہ فیصل کالونی پولیس اور سندھ رینجرز نے ٹیکنکلی بنیاد پر مشترکہ ٹارگیٹڈ کاررواٸی کرتے ہوئے دو کمسن بچوں کے اغواہ اور 5 کروڑ تاوان کا مطالبہ کرنے والے چار ملزمان کو گرفتار کرلیا گیا۔

کارروائی کے دوران دونوں کمسن بچوں کو بحفاظت بازیاب کروالیا گیا ۔

خیال رہے کہ گزشتہ شب شاہ فیصل کالونی کے علاقے سے دو کمسن بچوں کے اغواء کی اطلاع پولیس کو موصول ہوٸی تھیجس پر بچوں کے اہل خانہ سے 5 کروڑ روپے تاوان کا مطالبہ کیا گیا  تھا۔

کورنگی شاہ فیصل کالونی پولیس نے چند گھنٹوں میں ہی ٹیکنکلی بنیاد پر بچوں کے اغواء کاروں کا سراغ لگاتے ہوئے داؤد شورو گوٹھ چوکنڈی شاہ لطیف ٹاؤن کے علاقے میں ملزمان کی تلاش مکمل کی۔

بعدازاں چار مسلحہ اغواہ کار ملزمان اور پولیس کے درمیان فاٸرنگ کے تبادلہ یش آیا جس کے بعد دو زخمی اغواء کار سمیت چار ملزمان کو گرفتار کرلیا گیا اور دونوں کمسن بچوں کو بازیاب کرواکر اہل خانہ کے حوالے کردیا گیا۔

گرفتار ملزمان میں عاقب، ابوکر، منظور اور عمر شامل ہیں جن کے قبضے سے اسلحہ دو پسٹل بمعہ ایمونیشن ، تین موباٸل فون برآمد کئے ہیں۔

گرفتار زخمی ملزمان کو طبی امداد کیلۓ اسپتال جبکہ دوسرے دو ملزمان کو تھانے منتقل کردیا گیا ہے مزید تفتیش جاری ہے۔