آج ہم آپکو ناخنوں کی فنگس سے چھٹکارا حاصل کرنے کے لیے قدرتی طریقہ بتائیں گے۔

اکثر لوگ ہاتھوں کی انگلیوں کے ناخن کی حفاظت تو کرتے ہیں لیکن پیروں اور اس کے ناخنوں پر اتنی توجہ نہیں دیتے جس کے نتیجے میں کئی مسائل جنم لیتے ہیں اسی بےاحتیاطی کی وجہ سے ناخنوں میں فنگس پڑنا شروع ہوجاتا ہے۔

پیر عموماً جرابوں اور جوتوں میں چھُپے ہوئے ہوتے ہیں اس لیے یہ اکثر پسینے کے سبب گیلے رہتے ہیں اس طرح ان میں کئی طرح کے جراثیم پنپنے لگتے ہیں جو ان ناخن میں فنگس کا سبب بنتے ہیں۔

فنگس کی وجہ سے جو علامات ظاہر ہوتی ہے ان میں ناگوار مہک لیے مادے کا اخراج، پیر کے ناخنوں کے رنگ یا سخت میں تبدیلی ہونا شامل ہیں۔

اسی لیے ضروری ہے کہ اس فنگس کا فوری علاج کیا جائے، یہی وجہ ہے کہ یہاں پر اس فنگس کے لیے قدرتی گھریلوں علاج پیش کیا جا رہا ہے جو نقصان دہ کیمیکلز سے پاک ہونے کے ساتھ  اس ضمن میں مفید ثابت ہوگا۔

اجزاء

اس مقصد کے لیے جو اجزاء درکار ہیں ان میں 1 ڈراپر، 3 کپ اینٹی سیپٹک ماؤتھ واش، 3 کپ سیب کا سرکہ، ٹی ٹری آئل، تھائیم کا تیل، زیتون کا تیل، ٹوتھ برش اور تولیہ شامل ہیں۔

ہدایات

ایک بڑے بیسن میں 3 کپ اینٹی سیپٹک ماؤتھ واش اور 3 کپ سیب کا سرکہ ڈالیں۔ پیروں کو بیسن میں 30 منٹ تک ڈبو کر رکھیں۔

بیسن سے پیروں کو نکال کر صاف تولیہ کا استعمال کرتے ہوئے اچھی طرح خشک کریں۔

تھیم آئل، ٹی ٹری آئل اور زیتون کے تیل کے برابر حصے کو ڈراپر میں ڈال کر اچھی طرح مکس کریں، اب ڈراپر کی مدد سے ناخنوں پر تیل لگائیں اور 15 منٹ تک لگا رہنے دیں۔

ناخنوں میں تیل کے مکسچر کو آہستہ سے صاف کرنے کے لیے ٹوتھ برش کو استعمال کریں اس عمل کو اس وقت تک جاری رکھیں جب تک کہ فنگس مکمل طور پر صاف نہ ہوجائے۔