سمندری طوفان ’نکول‘ امریکی ریاست سے ٹکرا گیا

ویب ڈیسک

12th Nov, 2022. 06:22 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سمندری طوفان ’نکول‘ امریکی ریاست سے ٹکرا گیا

امریکی ریاست فلوریڈا کے بحر اوقیانوس کے ساحل سے ٹکرانے کے بعد سمندری طوفان ’نکول‘ کی رفتار کم ہوگئی ہے.

تفصیلات کے مطابق طوفان نکول گزشتہ روز روز شمال میں رینگتا ہوا جارجیا اور کیرولائناس کے کچھ حصوں میں شدید بارشوں کے بعد کم ہو گیا، لیکن حکام نے احتیاط کی اپیل کی ہے۔

سمندری طوفان نکول کے نتیجے میں چار افراد ہلاک اور فلوریڈا کے بحر اوقیانوس کے ساحل کے ساتھ ساتھ ساحلی گھروں اور ہوٹلز وغیرہ کو نقصان پہنچا ہے۔

غیر ملکی میڈیا کی خبروں کے مطابق فلوریڈا کے بحر اوقیانوس کے ساحل پر کیٹیگری 1 کے سمندری طوفان کے خطرے کے پیش نظر حکام نے ساحل سمندر کے کنارے واقع بستی وولوسیا کاؤنٹی کو خالی کرا لیا ہے اور علاقے میں قائم ہوٹلوں کو بھی غیر محفوظ قرار دے دیا ہے۔

ڈیٹونا بیچ کے بالکل جنوب میں ساحل سمندر کے قریب آباد ایک کمیونٹی کے نصف درجن کے قریب گھر طوفان کی نذر ہو گئے ہیں۔

وولوسیا کاؤنٹی کے منیجر جارج ریکٹن والڈ نے ایک بیان میں کہا کہ ہمارے ساحلی پٹی کے ساتھ عمارتوں کا نقصان غیر معمولی ہے۔

جارج ریکٹن والڈ نے کہا کہ ہم نے پہلے کبھی ایسا تجربہ نہیں کیا اس طوفان سے ہونے والے تباہی کے بعد بحالی کے لئے کافی وقت درکار ہو گا۔