لاہور ہائیکورٹ کا صنعتوں کے سوئی گیس بلوں سے متعلق بڑا فیصلہ

منیر احمد باجوہ

12th Nov, 2022. 07:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور ہائیکورٹ کا صنعتوں کے سوئی گیس بلوں سے متعلق بڑا فیصلہ

عدالت نے ہائی پاور کمیٹی کے فیصلے تک صنعتوں کے گیس بلوں سے ڈی آئی ڈی سی بقایاجات کی وصولی غیر قانونی قرار دے دی۔

تفصیلات کے مطابق دو رکنی بنچ نے لاہور سمیت صوبہ بھر کی صنعتوں کے گیس بلوں سے جی آئی ڈی سی بقایاجات کی وصولی روک دی۔

جسٹس شاہد بلال حسن اور جسٹس محمد رضا قریشی پر مشتمل دو رکنی بنچ نے یہ تفصیلی فیصلہ جاری کیا ہے۔

عدالت نے ہائی پاور کمیٹی کو صنعتوں کے گیس بلوں کے جی آئی ڈی سی بقایاجات کے متعلق 2 ماہ میں فیصلہ کرنے کی ہدایت کرنے کے ساتھ محکمہ سوئی گیس کی جی آئی ڈی سی بقایاجات کی وصولی کے دائر اپیل خارج کر دی۔

محمد محسن ورک ایڈوکیٹ نے کہا کہ جی آئی ڈی سی بقایاجات کی وصولی کے متعلق ہائی پاور کمیٹی تشکیل دی گئی، ہائی پاور کمیٹی نے ابھی تک جی آئی ڈی سی بقایاجات کی وصولی کے متعلق فیصلہ نہیں کیا، ہائی پاور کمیشن کے فیصلے سے قبل جی آئی ڈی سی بقایاجات کی وصولی غیر قانونی ہے۔

وکیل سوئی گیس کا کہنا ہے کہ انڈسٹری کے سوئی گیس بلوں میں جی آئی ڈی سی بقایاجات کی وصولی قانون کے مطابق ہے۔