ٹی ٹوئنٹی ورلڈ کپ فائنل، کیچ لیتے ہوئے شاہین آفریدی انجری کا شکار

ویب ڈیسک

13th Nov, 2022. 06:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ٹی ٹوئنٹی ورلڈ کپ فائنل، کیچ لیتے ہوئے شاہین آفریدی انجری کا شکار

پاکستان کرکٹ ٹیم کے اہم فاسٹ بولر شاہین شاہ آفریدی آج ٹی ٹوئنٹی ورلڈ کپ کے فائنل میں انجری کا شکار ہو گئے۔

تفصیلات کے مطابق ٹی ٹوئنٹی ورلڈ کپ کے فائنل میں شاہین شاہ آفریدی نے شاداب خان کی گیند پر ہیری بروک کا کیچ لیا تھا، مگر وہ کیچ لینے کے بعد گراؤنڈ پر ہی لیٹے رہے۔

ٹیم کے دیگر کھلاڑیوں نے شاہین شاہ آفریدی کے پاس پہنچ کر انہیں شاباش دی مگر اس وقت یہ اندازہ نہیں ہو سکا کہ شاہین زخمی ہو چکے ہیں۔

شاہین شاہ آفریدی نے اس کے بعد فیلڈنگ بھی کی اور جب وہ اپنا تیسرا اہم اوور کرانے آئے تو محض ایک بال ہی کرا سکے، اور گراؤنڈ سے باہر چلے گئے، شاہین کے اوور کی بقیہ پانچ گیندیں افتخار احمد نے کرائی جس پر انہوں نے 13 رنز دیئے۔

شاہین شاہ آفریدی کا کیچ لینے کے دوران گھٹنا گراؤنڈ پر لگا تھا، جس کی وجہ سے وہ زخمی ہو گئے تھے۔

غیر ملکی میڈیا رپورٹس کے مطابق پی سی بی کا کہنا ہے کہ طبی ماہرین کا ایک پینل شاہین شاہ آفریدی کی انجری کا معائنہ کر رہے ہیں۔