محکمہ صحت سندھ اور جناح اسپتال کراچی کی انتظامیہ کی رینجرز اورآرمی میڈیکل کور سے مدد کی درخواست پرسندھ رینجرز نے ڈاکٹر اور طبی عملہ فراہم کرنے کی یقین دہانی کرادی ہے۔

 تفصیلات کے مطابق سندھ بھر میں گرینڈ ہیلتھ الائنس کی جانب سے تمام سرکاری اسپتالوں میں احتجاج جاری ہے ۔

جناح اسپتال کے ایگزیکٹو ڈائریکٹر شاہر رسول نے کہا کہ اسپتالوں میں ڈاکٹرز و عملہ ہڑتال پر ہے، شہر میں دفاعی نمائش کا آغاز بھی ہوا ہے اور کسی بھی ناخوشگوار واقعے سے نمٹنے کے لیے ہمارے پاس عملہ موجود نہیں ہے  لہزا رینجرز اور پاک فوج سے مدد لینے پر غور کیا جارہا ہے۔

’ساڑھے چھ سو ڈاکٹرز اور طبی عملہ بھرتی کرنے جا رہے ہیں‘ ڈاکٹر شاہد رسول

ڈاکٹر شاہر رسول  نے بتایا کہ تمام اسپتالوں میں ایمرجنسی نافز  کردی گئی ہے ، سندھ رینجرز کی جانب سے ڈاکٹرز اور طبی عملہ فراہم کرنے کی یقین دہانی کرادی ہے، اس وقت فوری طور پر ساڑھے چھ سو ڈاکٹر اور طبی عملہ  بھرتی کرنے جا رہے ہیں ۔

 علاوہ ازیں فلاحی اداروں سے وقتی طور پر ڈاکٹر اور طبی عملہ حاصل کرنے کے لیے بات چیت کی جاری ہےدوسری جانب آرمی میڈیکل کور نے بھی جناح اسپتال کو ڈاکٹرز اور طبی عملہ فراہم کرنے کی یقین دہانی کرائی ہے۔

ڈاکٹر شاہد رسول نے مزید کہا  کہ سرکاری اسپتالوں میں کام جاری رکھنے کے لیے مختلف اقدامات کر رہے ہیں اس کے لئے پرائیویٹ صفائی والے عملے کی مدد سے اسپتال کو صاف ستھرا رکھنے کی کوشش کی جارہی ہے۔

خیال رہے کہ سندھ بھر میں گرینڈ ہیلتھ الائنس کی جانب سے تمام سرکاری اسپتالوں میں احتجاج جاری ہے، ینگ ڈاکٹرز، نرسز، پیرامیڈیکل اور سینیٹری اسٹاف ہیلتھ رسک الاؤنس کی بندش پر احتجاج کر رہے تاہم مریضوں کا سندھ حکومت سے مطالبہ ہےکہ سرکاری اسپتالوں میں طبی عملے کی ہڑتال ختم کرا کر علاج معالجےکی سہولیات فوری بحال کرائی جائیں۔