عمران خان پرحملہ بہت بڑی سازش ہے، ایڈووکیٹ جنرل پنجاب

ویب ڈیسک

15th Nov, 2022. 02:13 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان پرحملہ بہت بڑی سازش ہے، ایڈووکیٹ جنرل پنجاب

ایڈووکیٹ جنرل پنجاب احمد اویس نے کہا ہے کہ عمران خان پرحملہ بہت بڑی سازش ہے۔

بول نیوز سے گفتگو کرتے ہوئے ایڈووکیٹ جنرل پنجاب نے کہا ہےکہ پرویز الٰہی اتحادی جماعت کے وزیر اعلیٰ ہیں اس لئے یہ تاثردرست نہیں کہ پی ٹی آئی کا وزیراعلیٰ ہوتا تو حالات مختلف ہوتے۔

انہوں نے کہا کہ پرویز الٰہی نے مقدمے کےاندراج کی پوری کوشش کی مگر آئی جی نے تعاون نہیں کیا لیکن وفاق نے آئی جی پنجاب پردباؤ ڈالا اور مرضی کا مقدمہ درج کرادیا۔

انہوں نے مزید کہا کہ وفاق بہت سارے معاملات میں صوبے سے تعاون نہیں کررہا ہے اور کابینہ نےمتفقہ طور پر آئی جی پنجاب کی تبدیلی کاکہا ہے۔

ایڈووکیٹ جنرل پنجاب کا کہنا تھا کہ وفاق کےعدم تعاون کی وجہ سے چیف سیکرٹری پنجاب کئی ماہ سے چھٹی پرہیں اور نیا چیف سیکرٹری پنجاب ابھی تک تعینات نہیں ہوسکا ہے۔

ان کا کہنا تھا کہوفاقی حکومت کی ٹکراو کی پالیسی درست نہیں ہے کیونکہ جمہوریت میں ٹکراؤ کی بجائے معاملات بات چیت سے ہی حل ہوتے ہیں۔