ہر بھجن سنگھ کی بابر اعظم کی بیٹنگ پر تنقید

ویب ڈیسک

15th Nov, 2022. 02:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہر بھجن سنگھ کی بابر اعظم کی بیٹنگ پر تنقید

سابق بھارتی اسپنر ہربھجن سنگھ کا کہنا ہے کہ پاکستانی کپتان بابر اعظم اس طرح بیٹنگ نہیں کر سکتے جس طرح انہوں نے میلبرن کرکٹ گراؤنڈ میں انگلینڈ کے خلاف ٹی ٹوئنٹی ورلڈ کپ کے فائنل میں کی تھی۔

اسٹار اسپورٹس سے بات کرتے ہوئے سابق بھارتی اسپنر ہربھجن کا کہنا تھا کہ ٹیم کے کپتان ہونے کے ناطے بابر اعظم کا اتنی سست رفتار سے بیٹنگ کرنا غلط تھا، ان کی اننگز نے پاکستان کو پریشانی میں ڈال دیا تھا۔

یہ بھی پڑھیں: ہربھجن سنگھ نے پاکستان کرکٹ ٹیم میں اپنی دوستیوں کا انکشاف کردیا

انہوں نے کہا کہ ’آپ ایک جہاز کے کپتان کی حیثیت رکھتے ہیں، آپ اس طرح بیٹنگ نہیں کرسکتے کیونکہ اس طرح آپ ٹیم کو گہری مصیبت میں ڈال رہے ہیں‘۔ ہر بھجن سنگھ کا خیال ہے کہ پاکستان ان کی بیٹنگ سے مایوس ہوجائے گا۔

واضح رہے کہ ٹی ٹوئنٹی ورلڈ کپ کے فائنل میں پاکستان اور انگلینڈ کی ٹیمیں مدمقابل تھیں جس میں پاکستان نے پہلے بیٹنگ کرتے ہوئے 8 وکٹوں کے نقصان پر 137 رنز اسکور کیے تھے۔

جواب میں انگلینڈ نے مقررہ ہدف 19 ویں اوور میں 5 وکٹوں کے نقصان پر پورا کرکے ٹی ٹوئنٹی ورلڈ کپ اپنے نام کرلیا ہے۔

یہ بھی پڑھیں: ہربھجن سنگھ اسلام قبول کرنا چاہتے تھے، انضمام کا انکشاف

اس میچ میں بابر اعظم نے 28 گیندوں پر 32 رنز کی اننگز کھیلی تھی جب کہ پورے ٹورنامنٹ میں انہوں نے 124 رنز ہی اسکور کیے۔