پاکستانی اسکیئرز چیف آف دی ائیر سٹاف قراقرم انٹرنیشنل الپائن اسکی کپ کے پہلے دن چھائے رہے۔

تفصیلات کے مطابق پاکستانی اسکیئرز محمد کریم نے مالم جبہ اسکی ریزورٹ میں منعقدہ چوتھے چیف آف دی ائیر سٹاف قراقرم انٹرنیشنل الپائن سکی کپ میں مردوں کی جائنٹ سلالم کیٹیگری کا مقابلہ جیت لیا۔

 یو کرائن اسکئیرز نازاریٹے اور آئیوان کراوچک نے اس کیٹیگری میں بالترتیب دوسری اور تیسری پوزیشن حاصل کی۔

اس مقابلے میں  خواتین کی جائنٹ سلالم کیٹیگری میں پاکستانی اسکیئرز  چھائی رہیں جبکہ کوشیم صاحبہ، عمائمہ ولی اورجیا علی بالترتیب پہلے، دوسرے اور تیسرے نمبر پر رہیں ۔

یاد رہے کہ 09   ممالک بشمو ل افغانستان، آز ر بائیجان، برطانیہ، ترکی، تیمور، تاجکستان، کینیڈا، یونان اور یوکرائن سے36 انٹرنیشنل اسکئیرز   اس چیمپئین شپ میں حصہ لے رہے ہیں۔

یہ مقابلے نہ صرف پاکستان میں سیاحت کو فروغ دیں گے بلکہ ملک میں دوسری کھیلوں کے بین الاقوامی مقابلوں کے انعقاد میں بھی معاون ثابت ہونگے۔

چین میں آئس اینڈاسنواسکیچرفیسٹیول کاآغاز

اس شاندار انٹرنیشنل اسکئیرز   اس چیمپئین شپ کی اہمیت کو اجاگر کرنے کیلئے ونٹر اسپورٹس فیڈریشن آف پاکستان نے ایک پرومو بھی جاری کیا ہے۔

 ونٹر اسپورٹس فیڈریشن آف پاکستان پاک فضائیہ کے تعاون سے ملک میں سرمائی کھیلوں کے فروغ کے لئے کوشاں ہے اور ان مقابلوں کے انعقاد سے نہ صرف پاکستان میں سیاحت کو فروغ ملے گا بلکہ عالمی سطح پر پاکستان کا مثبت پہلو اجاگر کرنے میں مدد ملے گی۔