عمر سر فراز چیمہ نے کہا ہے کہ پنجاب حکومت نے جے آئی ٹی کی تشکیل آئین و قانون کے مطابق کی ہے۔

تفصیلات کے مطابق مشیر داخلہ و اطلاعات پنجاب عمر سرفراز چیمہ نے اپنے ایک بیان میں کہا کہ جے آئی ٹی کی تشکیل پر وفاقی وزارت داخلہ کا اعتراض بلاوجہ اور بلا ضرورت ہے جبکہ جے آئی ٹی بارے وفاق کے اعتراض کو مسترد  کرتے ہیں۔

مشیر داخلہ و اطلاعات پنجاب عمر سرفراز چیمہ نے پنجاب حکومت نے جے آئی ٹی کی تشکیل آئین و قانون کے مطابق کی ہے جبکہ جے آئی ٹی  میں وفاق  کی کسی ایجنسی کا نمائندہ شامل کرنا لازم نہیں ہے۔

واضح رہے کہ جوائنٹ انوسٹی گیشن ٹیم کے معاملہ پر وفاقی وزارت داخلہ نے  محکمہ داخلہ پنجاب کو مراسلہ ارسال کر دیا ہے جبکہ جوائنٹ انوسٹی گیشن ٹیم پر وفاقی حکومت نے اعتراض بھی اٹھا دیا ہے۔

وفاقی وزارت داخلہ نے کہا ہے کہ جوائنٹ انوسٹی گیشن ٹیم میں تمام ممبران کا تعلق پنجاب پولیس سے ہے جبکہ جے آئی ٹی میں کسی اور ایجنسی اور خفیہ ادارے کا نمائندہ شامل نہیں ہے۔

 وفاقی حکومت نے جے آئی ٹی میں آئی ایس آی اور آئی بی کے نمائندے شامل کرنے کی تجویز دے دی ہے۔

وفاقی حکومت نے مزید کہا کہ یہ اچھا ہوگا کہ پنجاب حکومت اس جے آئی ٹی میں وفاقی ایجنسیز کے نمائندوں کو بھی شامل کرے۔