آئرلینڈ کی ویمینز کرکٹ ٹیم نے پاکستان ویمینز کرکٹ ٹیم کے خلاف ٹی ٹوئنٹی میچز کی سیریز میں 2-1 سے فتح حاصل کر لی ہے۔

تفصیلات کے مطابق سیریز کے تیسرے اور فیصلہ کن میچ میں آئرلینڈ کی خواتین کی اوپننگ بلے باز گیبی لیوس نے آخری 46 گیندوں پر 71 رنز کی شاندار اننگ کھیل کر اپنی ٹیم کو سیریز میں کامیابی دلا دی۔

گیبی لیوس کی سیریز میں یہ دوسری نصف سنچری تھی، سیریز کے پہلے میچ میں لیوس نے 54 گیندوں پر 69 رنز بنائے تھے۔ گیبی لیوس کی شاندار کارکردگی کے باعث انہیں پلئیر آف دی میچ اور پلئیر آف دی سیریز کا ایوارڈ دیا گیا۔

https://twitter.com/IrishWomensCric/status/1592799687719137280?ref_src=twsrc%5Etfw%7Ctwcamp%5Etweetembed%7Ctwterm%5E1592799687719137280%7Ctwgr%5E8f76e8aa54127e5678188cccea05ed141256360d%7Ctwcon%5Es1_&ref_url=https%3A%2F%2Fwww.icc-cricket.com%2Fnews%2F2910521%3Fsf172876157%3D1

آج ہونے والے سیریز کے آخری میچ میں آئرلینڈ نے 4 وکٹوں پر 167 رنز بنائے، اوپنر گیبی لیوس اور ایمی ہنٹر کے درمیان 110 رنز کی اوپننگ پارٹنر شپ نے آئرلینڈ کی میچ پر گرفت کو مضبوط کیا، ایمی ہنٹر نے 35 گیندوں پر 40 رنز بنائے جبلہ پرینڈر گاسٹ نے 23 گیندوں پر 37 رنز بنائے۔

ہدف کے تعاقب کے لیے پاکستان کو ایک اچھا آغاز درکار تھا لیکن اس نے ابتدائی وکٹیں گنوا دیں۔

ٹاپ آرڈر بلے باز جویریہ خان نے 37 گیندوں پر 50 رنز کی شاندار اننگز کھیلی لیکن وہ دوسرے بلے بازوں کی طرف سے خاطر خواہ مدد نہیں ملی، پاکستان کی ٹیم 133 رنز تک محدود رہی۔

https://twitter.com/ICC/status/1592835036780249089?cxt=HHwWgoCqkdvB8ZosAAAA

آئرش ٹیم نے پاکستان ویمینز کرکٹ ٹیم کے خلاف سیریز کے پہلے میچ میں 136 رنز کا ہدف 6 وکٹوں کے نقصان پر پورا کر لیا تھا۔

دوسرے ٹی ٹوئنٹی میچ میں بارش کی وجہ سے میچ کو 17 اوورز فی سائیڈ کر دیا گیا تھا، آئر لینڈ نے 7 وکٹوں کے نقصان پر 118 رنز بنائے تھے پاکستان نے ایک اوور قبل ہدف حاصل کر کے سیریز برابر کر دی تھی۔

لیکن مہمانوں نے اچھی واپسی کی اور فائنل میچ میں شاندار جیت درج کی، جس نے انہیں پاکستان میں تاریخی سیریز جیتنے میں بھی مدد کی۔

یہ فتح اگلے سال فروری میں شروع ہونے والے ویمنز ٹی ٹوئنٹی ورلڈ کپ میں ان کے اعتماد کو بھی بہتر بنائے گی۔ پاکستان کے ساتھ گروپ بی میں آئرلینڈ کو رکھا گیا ہے جس میں بھارت، انگلینڈ اور ویسٹ انڈیز جیسی مضبوط ٹیمیں بھی شامل ہیں۔