کچہری حملہ کیس؛ 8 سال بعد 5 ملزمان مقدمے سے بری

ویب ڈیسک

22nd Nov, 2022. 01:11 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کچہری حملہ کیس؛ 8 سال بعد 5 ملزمان مقدمے سے بری

اسلام آباد کی مقامی عدالت نے کچہری حملہ کیس میں 8 سال بعد 5 ملزمان کو مقدمے سے بری کردیا۔

تفصیلات کے مطابق کیس کا فیصلہ اسلام آباد کے سیشن جج طاہر محمود نے سنایا جس کے مطابق ملزمان کو عدم ثبوت کی بناء پر بری کیا گیا۔

استغاثہ ملزمان کے خلاف الزامات ثابت نہ کرسکا۔

پولیس کی جانب سے انتہائی ناقص تفتیش کی بنا پر ملزمان کو بری کر دیا گیا۔ ملزمان پر سہولت کار کا کردار ادا کرنے کا الزام تھا۔

بری ہونیوالوں میں جان محمد، عبدالغفار، قمر زمان، بسم اللہ جان اور جمروز شامل ہیں۔

3 مارچ 2014 کو اسلام آباد کچہری میں دو خودکش حملے کیے گئے تھے۔

سانحہ کچہری ایڈیشنل سیشن جج سمیت 13 افراد شہید اوردرجنوں زخمی ہوئے تھے۔

واقعے کا مقدمہ تھانہ مارگلہ میں ایس ایچ او خالد اعوان کی مدعیت میں درج کیا گیا تھا۔