سعودی عرب کے ہاتھوں اپ سیٹ شکست پر میسی کا بیان سامنے آگیا

ویب ڈیسک

23rd Nov, 2022. 10:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب کے ہاتھوں اپ سیٹ شکست پر میسی کا بیان سامنے آگیا

فیفا ورلڈ کپ 2022 کی تاریخ کے بڑے اپ سیٹ میں سعودی عرب نے ارجنٹائن کو 2-1 سے شکست دے دی ہے۔

فٹ بال رینکنگ میں 51 نمبر پر موجود سعودی عرب نے ورلڈ کپ کی فیوریٹ ٹیم ارجنٹائن کو ایک کے مقابلے میں دو گول سے شکست دے کر تاریخ کا بڑا اپ سیٹ کر دیا ہے۔

سعودی عرب سے اپ سیٹ شکست پر لیونل میسی کا بیان بھی سامنے آگیا ہے، ان کا کہنا ہے کہ سعودی عرب کے ہاتھوں شکست ٹیم کے لیے بڑا دھچکا ہے اور سب کھلاڑیوں کے دل دکھی ہیں۔

یہ بھی پڑھیں: فیفا ورلڈ کپ کی تاریخ کا بڑا اپ سیٹ

انہوں نے کہا کہ ہمارے حوصلے پست نہیں ہوئے اور میکسیکو کے خلاف اگلا میچ کر میگا ایونٹ میں کم بیک کرنے کے لیے پر عزم ہیں۔

لیونل میسی کہتے ہیں ہم جانتے ہیں کہ سعودی عرب کی ٹیم میں اچھے کھلاڑی موجود ہیں، ہم نے اپنی طرف سے پوری کوشش کی لیکن قسمت نے ہمارا ساتھ نہ دیا اور تین گولز ضائع ہوگئے۔

اسٹار فٹ بالر کا مزید کہنا تھا کہ اب کوئی بہانہ نہیں چلے گا اور پہلے سے زیادہ متحد ہوکر کھیل پیش کرنا ہوگا، ہماری ٹیم میں بھی اچھے کھلاڑی موجود ہیں اور اگلے میچز میں ہم اپنی صلاحیتوں سے ثابت کریں گے۔

یہ بھی پڑھیں: میسی نے رونالڈو کا ریکارڈ برابر کردیا

واضح رہے کہ ارجنٹائن کے اسٹار فٹ بالر لیونل میسی اپنے کیریئر کا آخری ورلڈ کپ کھیل رہے ہیں اور پوری قوم نے ان سے امیدیں وابستہ کررکھی ہیں۔