لانگ مارچ کا قافلہ 25 نومبر کو کوئٹہ سے روانہ ہوگا

محمد غضنفر

24th Nov, 2022. 11:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لانگ مارچ کا قافلہ 25 نومبر کو کوئٹہ سے روانہ ہوگا

حقیقی آزادی لانگ مارچ کا قافلہ 25 نومبر کو کوئٹہ سے روانہ ہوگا۔

تفصیلات کے مطابق حقیقی آزادی لانگ مارچ کیلئے پاکستان تحریک انصاف بلوچستان کا قافلہ 25 نومبردن 1 بجے پارٹی کے صوبائی صدر قاسم خان سوری کی قیادت میں کوئلہ پھاٹک کوئٹہ سے روانہ ہوگا۔

قافلہ کچلاک بوستان، مسلم باغ، قلعہ سیف اللہ، ژوب شیرانی، موسیٰ خیل اور دیگر اضلاع سے ہوتا ہوا ڈیرہ اسماعیل سے روالپنڈی پہنچے گا جہاں سے بلوچستان کا لانگ مارچ مرکزی حقیقی آزادی لانگ مارچ میں شامل ہو جائے گا۔

کوئٹہ سے جاتے ہوئے مختلف اضلاع سے قافلے شامل ہوتے جائیں گے جبکہ مختلف اضلاع میں استقبال کے موقع پر صوبائی قائدین خطاب بھی کرتے ہوئے جائیں گے جس کے لیے 30 فٹ اُنچائی اور 50 فٹ لمبائی پر مشتمل کنٹینر اسٹیج تیار کیا گیا ہے۔

اس موقع پر اجلاس سے صدر قاسم خان سوری، جنرل سیکرٹری ڈاکٹر منیر بلوچ، صادق آغا، داؤد خان کاکڑ،حاجی سیف اللہ،عالم کاکڑ، ادریس آغا و دیگر رہنماء خطاب کریں گے۔

لانگ مارچ میں شامل شرکاء کے علاوہ مختلف اضلاع و تحصیلوں کے عوام بھی خطاب سننے مختلف مقامات پر جمع ہوں گے۔