میں زخمی حالت میں صرف اپنی قوم کی خاطر نکل رہا ہوں، عمران خان

ویب ڈیسک

25th Nov, 2022. 12:00 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میں زخمی حالت میں صرف اپنی قوم کی خاطر نکل رہا ہوں، عمران خان

چیئرمین پی ٹی آئی عمران خان نے کہا ہے کہ میں زخمی حالت میں صرف اپنی قوم کی خاطر نکل رہا ہوں۔

تفصیلات کے مطابق پاکستان تحریک انصاف کے حقیقی آزادی مارچ میں عوام کا سمندر 26 نومبر کو راولپنڈی پہنچنے کو تیار ہے جبکہ چیئرمین پاکستان تحریک انصاف عمران خان نے 26 نومبر کے اجتماع سے متعلق عوام کے نام خصوصی پیغام بھی جاری کیا ہے۔

عمران خان نے اپنے پیغام میں کہا کہ چاہتا ہوں 26 نومبر بروز ہفتہ راولپنڈی میں حقیقی آزادی مارچ کا حصہ تمام پاکستانی بنیں۔

انہوں نے کہا کہ ایک قوم کو حقیقی آزادی کا حصول صرف انصاف کے بل بوتے پر ہوتا ہے اور جب انصاف ہوتا ہے تو حقوق ملتے ہیں، قوم آزاد اور خوشحال ہو جاتی ہے۔

ان کا کہنا تھا کہ عوام لانگ مارچ میں شریک ہو کر قوم یہ پیغام دے گی کہ حقیقی آزادی کے حصول تک چین سے نہیں بیٹھیں گے۔

چیئرمین پاکستان تحریک انصاف عمران خان نے مزید کہا کہ میں زخمی حالت میں صرف اپنی قوم کی خاطر نکل رہا ہوں، قوم ہفتے کو میرے لئے راولپنڈی پہنچے۔