چین میں کریک ڈاؤن سے تنگ جیک ما نے ٹوکیو میں سکونت اختیار کرلی

ویب ڈیسک

30th Nov, 2022. 10:43 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چین میں کریک ڈاؤن سے تنگ جیک ما نے ٹوکیو میں سکونت اختیار کرلی

چین میں ٹیکنالوجی کے اداروں میں کریک ڈاؤن کے بعد علی بابا کے مالک جیک ما گذشتہ ماہ سے ٹوکیو میں رہ رہے ہیں۔

غیر ملکی خبر رساں ادارے کی رپورٹ کے مطابق چین کی ریگولیٹری اتھارٹی کی جانب سے جیک ما کی کمپنی اینٹ گروپ اور علی بابا پر ریکارڈ جرمانے عائد کیے گئے ہیں۔

یہ بھی پڑھیں: جیک ما سے چین کے امیر ترین شخص کا اعزاز چھن گیا

رپورٹ کے مطابق کریک ڈاؤن کے بعد دنیا کی سب سے بڑی ریٹیلر کمپنی علی بابا کے مالک جیک ما جاپان کے دارالحکومت ٹوکیو میں رہ رہے ہیں جب کہ انہوں نے خود لو پروفائل رکھا ہوا ہے۔

رپورٹ میں کہا گیا ہے کہ جاپان میں رہائش کے دوران جیک ما نے امریکہ اور اسرائیل کے بھی دورے کیے ہیں جب کہ وہ ٹوکیو میں کئی پرائیوٹ ممبر کے کلبوں میں بھی متعدد بار جاچکے ہیں۔

جیک ما جاپان کے جدید آرٹ کے نمونے اکٹھا کرنے کا شوق رکھتے ہیں جب کہ انہیں گزشتہ برس اسپین کے ایک جزیرے پر بھی دیکھا گیا تھا۔

یہ بھی پڑھیں: علی بابا کمپنی کے بانی جیک ما کی راک اسٹار پرفارمنس

واضح رہے کہ چینی حکام نے حالیہ برسوں میں کچھ بڑے ناموں کی جانب سے ایک دوسرے پر سبقت لے جانے کے طرز عمل کے خلاف کارروائیوں کا آغاز کیا تھا۔

چین کی ریگولیٹری اتھارٹی کا کہنا تھا کہ علی بابا نے کئی برسوں سے مارکیٹ میں اپنی اجارہ داری کا غلط استعمال کیا ہے اور قواعد و ضوابط کی بھی خلاف ورزی کی ہے۔