سب میرین کمیونیکیشن کیبل سسٹم میں دوہری کٹوتی کے باعث پیدا ہونے والی شدید رکاوٹ کے بعد ملک بھر میں انٹرنیٹ خدمات بحال کر دی گئی ہیں۔

اکستان ٹیلی کمیونیکیشن کمپنی لمیٹڈ (پی ٹی سی ایل) کے ترجمان کی طرف سے جاری کردہ ایک بیان کے مطابق بین الاقوامی سب میرین کیبل سسٹم میں موجود خرابی کو دور کر دیا گیا ہے اور ملک بھر میں انٹرنیٹ سروسز بحال کر دی گئی ہیں۔

خیال رہے کہ اس حوالے سے پاکستان ٹیلی کمیونیکیشن کمپنی لمیٹڈ (پی ٹی سی ایل) کے ترجمان کا کہنا تھا کہ  مصر کے قریب ابوطالب اور ظفرانہ کے مقام پر زیر زمین زمین سب مرین کیبل (ایس ای اے ایم ای ڈبلیو ای فائیور) میں خرابی آئی ہے جس کی وجہ سے دنیا بھر میں انٹرنیٹ کی سروس متاثر ہوئی ہے۔

ترجمان نے بتایا کہ سب میرین کیبلز کٹنے سے پی ٹی سی ایل اور ٹرانس ورلڈ کی سروس متاثر ہوئی ہیں جس کے بعد  پی ٹی سی ایل نے انٹرنیٹ ٹریفک متبادل روٹس پر ڈال دی ہیں جس کے بعد انٹرنیٹ سروس بحال ہونا شروع ہوگئی ہے۔

واضح رہے کہ پاکستان میں شام 7 بجے کے بعد انٹرنیٹ سروس متاثر ہونا شروع ہوئیں اور اس حوالے سے صارفین نے سوشل میڈیا پر شکایات بھی کیں۔

واضح رہے کہ اس وقت پاکستان سے منسلک سات سب میرین انٹرنیٹ کیبل سسٹمز ہیں، جن میں سے چار پاکستان ٹیلی کمیونیکیشن کمپنی لمیٹڈ، دو ٹرانسورلڈ ایسوسی ایٹس اور ایک نیا کیبل سسٹم جو حال ہی میں آن لائن آیا ہے، ایک چینی کمپنی کی ملکیت ہے۔