پاکستان مسلم لیگ (ن) کی ترجمان مریم اورنگزیب کا جہانگیر ترین اور خسرو بختیار کی آٹے اور چینی کی ملوں کی تلاشی کا مطالبہ کردیا ہے۔

‎ سماجی رابطے کی ویب سائٹ پر اپنے ایک میغام میں آٹے اورچینی کی ملوں کی تلاشی کا مطالبہ کرتے ہوئے مریم اورنگزیب نے کہا ہے کہ عمران صاحب رواں سال میں  20  لاکھ لوگ بیروزگار ہو چکیں ہیں۔

جہانگیرترین، خسرو بختیار اور ہمایوں اختر کی ملوں میں کتنی چینی ذخیرہ ہے، اب تک نہیں بتایا؟

انہوں نے کہا کہ عمران صاحب آپ ملک پہ مسلط آٹا ، چینی چور اور مہنگائی مافیا کی سربراہی کر رہے ہیں، عوام کو بتایا جائے جہانگیر ترین نے کیوں اور کتنی چینی برآمد کی؟

Advertisement

عمران صاحب قوم کی جیب پر ڈاکہ کی تحقیقات کے لیے پارلیمانی کمیٹی بنانے سے کیوں ڈر رہے ہیں؟

عمران صاحب @ImranKhanPTI رواں سال میں 20 لاکھ لوگ بیروزگار ہو چکیں ہیں

— Marriyum Aurangzeb (@Marriyum_A) February 8, 2020

ان کا کہنا تھا کہ عوام کو بتایا جائے کہ جہانگیر ترین اور خسرو بختیار کی چینی اور آٹے کی ملوں کی اب تک تلاشی کیوں نہیں ہوئی ؟

ترجمان مسلم لیگ ن نے مزید کہا کہ عمران صاحب عوام کو بتایا جائے کہ  عوام کی روٹی ، چینی اور آٹا چھین کر دوستوں کی جیبیں کیوں بھری جا رہی ہیں؟

مریم اورنگزیب نے کہا کہ عوام کو بتایا جائے کہ ایک سال میں ۱۳ ہزار ارب کا قرضہ کس کی جیب میں گیا ہے ؟ اور گیس اور بجلی کی قیمتوں میں اضافہ کس کی جیب میں جا رہا ہے ؟

انہوں نے مطالبہ کیا کہ عوام کو بتایا جائے کہ دوائیوں کی قیمتوں میں  تاریخی اضافے سے کمایاگیا مال کس کی جیب میں گیا؟ اور ‎آپ کے دوستوں نے آپ کے ساتھ مل کر کتنی چینی باہر بھجوائی، قوم کو کب بتائیں گے ؟

ٹوئٹر کے پیغام میں انہوں نے کہا کہ عمران صاحب آپ کی سرپرستی میں آپ کے دوستوں نے پابندی کے باوجود چینی اور آٹا درآمد کیوں کیا ؟ اور چینی چور، منافع خور اور ذخیرہ اندوز اپنے دوستوں کے خلاف کب کاروائی کریں گے؟

‎ان کا کہنا تھا کہ بیرون ملک چینی بیچ کر اربوں کمانے والے اب چینی باہر سے منگوا کر پھر تجوریاں بھر رہے ہیں اور عمران صاحب قوم کی جیب پر ڈاکہ کی تحقیقات کے لیے پارلیمانی کمیٹی بنانے سے کیوں ڈر رہے ہیں؟‎