قطر میں ہونے فیفا ورلڈ کپ 2022 میں گروپ مرحلوں میں ایک اور اپ سیٹ کے نتیجے میں عالمی نمبر دو بیلجیئم ایونٹ سے باہر ہو گیا۔

تفصیلات کے مطابق بیلجیئم گروپ مرحلے میں ورلڈ کپ سے باہر ہو گیا ہے کیونکہ کروشیا کا قطر کے ساتھ میچ میں گول کے بغیر ڈرا کھیلنا بیلجیئم کے کے لیے بھاری پڑ گیا۔

روبرٹو مارٹینز کی ٹیم جو چار سال قبل روس میں ہونے والے ورلڈ کپ میں تیسرے نمبر پر تھی اور دنیا میں دوسرے نمبر پر ہے، اپنے تین میچوں میں صرف ایک جیت اور ایک گول کی مایوس کن کارکردگی کے بعد ایونٹ سے باہر ہو گئی ہے۔

گروپ ایف کے اہم ترین میچ میں بیلجیئم اور کروشیا کا میچ بغیر کسی گول کے برابر رہا، بیلجیئم کے لیے اگلے مرحلے تک رسائی کے لیے اس میچ میں فتح ضروری تھی۔

دوسرے ہاف میں بیلجیئم کے متبادل رومیلو لوکاکو کو گول کرنے کے متعدد مواقع ملے لیکن کسی کو تبدیل کرنے میں ان کی ناکامی نے اپنے ملک کی قسمت پر مہر ثبت کردی۔

روس میں ہونے والے ورلڈ کپ کی فائنلسٹ کروشیا کو میچ برابر کھیلنے کے نتیجے میں ایک پوائنٹ ملا جس کی بدولت وہ اگلے مرحلے میں پہنچ گئے، جبکہ مراکش نے کینیڈا کو شکست دے کر گروپ ایف میں ٹاپ پوزیشن حاصل کی۔