سوڈیم کلورائیڈ جسے حرف عام میں نمک کہا جاتا ہے،کھانوں میں ذائقہ کے لیے استعمال کیا جاتا ہے۔ یہ دوعناصر سوڈیم اور کلورائیڈ کا مرکب ہے ان دونوں ۔کی مناسب مقدار صحت کے لیے نہایت ضروری ہے لیکن اگر یہ ضرورت سے زائد ہوجائے تو صحت کے حوالے سے سنگین خطرات لاحق ہوجاتے ہیں۔

ماہرین غذائیت دن بھرکے لیے صرف 1.5 گرام نمک تجویز کرتے ہیں۔ تاہم اس سے زائد مقدار میں نمک کا طویل عرصے تک استعمال بلڈپریشر اور عارضہ قلب کا ہیش خیمہ ثابت ہوسکتا ہے۔

گھر میں تیار کئے جانے والے پکوان میں نمک کی مناسب مقدار شامل کی جاتی ہے تاہم لوگوں کی بڑی تعداد ایسی غذاؤں کو استعمال کرتی ہیں جو پیک ہوتی ہیں اورپروسیسنگ کے دوران ان میں سوڈیم کی زائد مقدار شامل کی جاتی ہے۔ جس کے استعمال سے آپ نمک کی زائد مقدار غذا میں شامل کرنے لگتے ہیں۔ یہاں پرچند آسان سی تجاویز پیش کی جارہی ہیں جن پر عمل کرتے ہوئے آپ اپنی غذا سے نمک کی مقدارکوکم کر سکتے ہیں۔

خریدنے سے قبل لیبلز پڑھیں

جب بھی بازار جائیں کوئی بھی کھانے کی چیز خریدنے سے قبل اس کا لیبل خاص طور پرسوڈیم کے مواد کے لیے فوڈ لیبل ضرور چیک کریں کہ اس میں نمک کی کتنی مقدار موجود ہیں کوشش کریں ایسی کھانے کی اشیاء خریدیں جن میں سوڈیم کی مقدار کم ہویا نہ ہو۔ یاد رکھیں کہ شوربے، سویا ساس اور اچارمیں سوڈیم کی مقداربہت زیادہ ہوتی ہے۔

گھر پر کھانا تیار کرتے ہوئے ان مصالحہ جات سے پرہیزکریں

گھر میں جب بھی کھانا بنائیں تمام اقسام کی ساس جیسے سویا ساس اور مونوسوڈیم گلوٹامیٹ جیسے مصالحہ جات سے پرہیز کریں یا کم سوڈیم  والے ورژن استعمال کریں۔

نمک سے بھرپور ساس کے ساتھ کھانا پکانے کے بجائے ذائقوں کو بڑھانے کے لیے قدرتی مصالحے، جڑی بوٹیاں، لائم، لیموں یا سرکہ استعمال کریں۔

ڈبے میں پیک کھانے کو استعمال کرنے سے قبل اسے اچھی طرح دھولیں تاکہ نمک کی کچھ مقدار کم ہوسکے۔

تازہ غذائیں کھائیں

کھانوں میں نمک یا دیگر مصالحہ جات جیسے سویا ساس شامل کرنے سے گریز کریں، خاص طور پر دسترخوان پر۔ تازہ مرغی، مچھلی اور گوشت کھائیں، بجائے اس کے کہ ڈبہ بند اور پروسیس شدہ غذائیں جس میں سوڈیم کی مقدار زیادہ ہو۔

زیتون، اچار، کیچپ اورسویاساس جیسے مصالحہ جات جن میں سوڈیم کی مقدار زیادہ ہو اگر استعمال کرنا مقصود بھی ہو توکم یا ان کا استعمال محدود کر دیں۔

کسی بھی ریستوران میں جائیں تو کھانا آرڈر کرنے سے قبل ان سے نمک کا استعمال کم کرنے کو کہیں۔