دن بھر کام کاج کے دوران معمولی نوعیت کے زخم آنا عام بات ہے تاہم یہ ممولی نظر آنے والے زخم یا خراشیں اس وقت تکلیف کا باعث بنتی ہیں جب ان کی موجودگی میں برتن یا کپڑے دھونے جیسے کام کئے جائیں۔ جبکہ بچے بھی اکثر کھیل کود کے دوران زخم لگا بیٹھتےہیں ۔

یوں تو ان زخموں کے لئے مارکیٹ میں کئی طرح کی کریمیں دستیاب ہیں جو انہیں مندمل بھی کر دیتی ہیں تاہم اس میں وقت ضرور لگتا ہے لیکن آج یہاں پر آپ کوکچن میں موجود ایک ایسی صحت بخش غذا کے بارے بتائیں گے جو آپ کو صحت مند رکھنے کے ساتھ زخموں کا بہترین علاج بھی ہے اور وہ شہد۔

شہد ایک صحت بخش مکمل ہونے کے ساتھ  زخموں کو مندمل کرنے میں اینٹی بایوٹکس سے زیادہ تیزی سے کام کرتا ہے اس میں اینٹی بیکٹیریل اور اینٹی سوزش خصوصیات پائی جاتی ہیں جو زخموں کو تیزی سے بھرنے میں کسی مسیحا سے کم نہیں۔

شہد کیسے کام کرتا ہے؟

شہد میں ایسے اجزاء پائے جاتے ہیں جوبیکٹیریا کے خاتمے کو یقینی بنا کرانفیکشن سے محفوظ رکھتے ہیں۔ کوشش کریں زخموں کو بھرنے کے لیے اصلی شہد استعمال کریں۔

جب شہد زخم کے ٹشوز پر لگایا جاتا ہے تو ہائیڈروجن پیرو آکسائیڈ گلوکوز آکسیڈیز انزائم ری ایکشن کے ذریعے پیدا ہوتا ہے۔ یہ آہستہ آہستہ جاری ہوتا ہے اور آپ کے بافتوں کو صحت مند اور نقصان پہنچاتے بغیر اینٹی بیکٹیریل سرگرمی فراہم کرتا ہے۔

شہد کا استعمال کیسے کریں؟

اس مقصد کے لیے سب پہلے زخم کو اچھی طرح پانی سے دھولیں اب اس پر شہد کی تھوڑی سی مقدار لگائیں اور پٹی باندھ لیں۔ ٹھیک ہونے تک کم از کم ہر 4 سے 6 گھنٹے بعد پٹی کو تبدیل کریں۔