اسلام آباد ہائی کورٹ کا میڈیکل کے طلبہ کے خلاف درج مقدمہ خارج کرنے کا حکم

فیاض محمود

05th Dec, 2022. 10:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اسلام آباد ہائی کورٹ کا میڈیکل کے طلبہ کے خلاف درج مقدمہ خارج کرنے کا حکم

میڈیکل کے طلبہ کے خلاف درج مقدمہ خارج کرنے سے متعلق اسلام آباد ہائی کورٹ نے ایک اور بڑا حکم سنا دیا۔

تفصیلات کے مطابق میڈیکل کے طلبہ کے خلاف کورونا ایس او پیز اور دفعہ 144 کی خلاف ورزی کے الزام سے متعلق کیس میں اسلام آباد ہائیکورٹ کے جسٹس طارق محمود جہانگیری نے طلبہ کی درخواست پر اخراج مقدمہ کا حکم سنایا جس میں عدالت نے حکم سنایا۔

عدالت نے چھ صفحات پر مشتمل تحریری فیصلے میں مقدمے کے اخراج کی وجوہات بھی بیان کردیں جس میں عدالت نے کہا کہ طلبہ پر الزام ہے کہ احتجاج کے دوران حکومت مخالف نعرے بازی اور کورونا ایس او پیز کیخلاف ورزی کی۔

اسلام آباد ہائی کورٹ نے تحریری فیصلے میں کہا کہ طلبہ کیخلاف تھانہ کوہسار میں آپریٹر منتظر کی مدعیت میں مقدمہ درج کیا گیا۔ مقدمہ کے اندراج کے وقت کورونا ایس او پیز اور دفعہ 144 کا نفاذ کرنیوالا سرکاری افسر یا اس کا ماتحت موجود نہیں تھا۔

عدالت نے تحریری فیصلے میں یہ بھی کہا کہ سیکشن 195 ون اے کے تحت سرکاری افسر موجود نہ ہو تو ایف آئی آر درج نہیں کی جاسکتی۔ چھ جولائی 2021 کو تھانہ کوہسار میں آپریٹر منتظر کی مدعیت میں درج ایف آئی آر خارج کی جائے۔