وزیر خزانہ اسحاق ڈار سے امریکی سفیر ڈونلڈ بلوم کی ملاقات

ویب ڈیسک

06th Dec, 2022. 06:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیر خزانہ اسحاق ڈار سے امریکی سفیر ڈونلڈ بلوم کی ملاقات

وزیر خزانہ اسحاق ڈار سے امریکی سفیر ڈونلڈ بلوم کی ملاقات ہوئی ہے۔

ملاقات کے دوران دونوں فریقین نے مشترکہ دلچسپی کے دیگر امور پر بھی تبادلہ خیال کیا۔

جاری کردہ اعلامیہ کے مطابق وزیر خزانہ نے سیلاب کے بعد کی تعمیر نو کی صورتحال اور بحالی کے جاری منصوبوں کے بارے میں آگاہ کیا۔

وزیر خزانہ اسحاق ڈار نے کہا کہ موجودہ حکومت عوام کی فلاح و بہبود کے لیے بہت زیادہ فکر مند ہے جبکہ اس لیے اس سلسلے میں متعدد اقدامات بھی کیے جا رہے ہیں۔

اعلامیہ میں کہا گیا کہ وزیر خزانہ نے قومی اور بین الاقوامی مالیاتی ذمہ داریوں کو پورا کرنے کے حوالے سے آگاہ کیا جبکہ انہوں نے محصولات اور اخراجات کے حوالے سے حکومت کے جامع اور عملی منصوبوں سے بھی آگاہ کیا۔

اعلامیہ میں کہا گیا کہ امریکی سفیر نے سیلاب کے بحران سے پاکستان کو ہونے والے بڑے معاشی نقصانات کا اعتراف کیا۔

امریکی سفیر ڈونلڈ بلوم نے کہا کہ امریکی حکومت اس مشکل گھڑی میں پاکستان کے ساتھ کھڑی ہے۔

وزیر خزانہ اسحاق ڈار نے مزید کہا کہ امریکہ نے ہمیشہ مشکل وقت میں پاکستان کا بھرپور ساتھ دیا ہے جبکہ دونوں ممالک اپنے اقتصادی تعلقات کو مزید گہرا بھی کر سکتے ہیں۔