پی ٹی آئی رہنما زرتاج گل نے کہا ہے کہ پاکستان کی خواتین بھی عمران خان کے ساتھ کھڑی ہیں۔

تفصیلات کے مطابق پاکستان تحریک انصاف کی رہنما زرتاج گل نے زمان پارک لاہور میں میڈیا سے گفتگو کرتے ہوئے کہا کہ مارنے والوں نے عمران خان کو مارنے میں کسر نہیں چھوڑی تھی لیکن اللہ نے انہیں بچا لیا ہے۔

انہوں نے کہا کہ ڈی جی خان کی عوام عمران خان کے ساتھ سیسہ پلائی دیوار کی طرح کھڑی ہے۔

ان کا کہنا تھا کہ میں نے مریم نواز کو چیلنج کیا تھا کہ وہ خود حلقہ پسند کریں میں وہاں سے آپ کو شکست دوں گی لیکن ابھی تک ان کی طرف سے کائی جواب نہیں آیا ہے، بھگوڑے الیکشن سے بھاگ رہے ہیں۔

ان کا یہ بھی کہنا تھا کہ کوئی سنجیدہ شخص ان سے ٹکٹ بھی لینا پسند نہیں کرے گا جبکہ فضل الرحمان سے مولانا کا تو ٹائٹل ہی ہٹا دیا جائے، اس نے خواتین سے متعلق نازیبا الفاظ استعمال کیے ہیں، اسکا زہن گٹر ہے جب بھی بولتا ہے خواتین کی کردار کشی کرتا ہے۔

زرتاج گل نے کہا کہ پاکستان کی خواتین عمران خان کے ساتھ کھڑی ہیں جبکہ باقی جماعتوں میں لیڈر بننے کے لیے مریم کا پرس اٹھانا پڑتا ہے لیکن ہماری جماعت میں پڑھی لکھی خواتین ہیں جو اپنا حق جانتی ہیں۔

انہوں نے کہا کہ کیا الیکشن کمیشن فضل الرحمان کو نوٹس بھیجا ہے نے؟

ان کا کہنا تھا کہ اس پارٹی میں خواتین ونگ ہی نہیں ہے تو اس پارٹی کو ختم ہو جانا چاہیئے جبکہ یہ چاہتے ہیں خواتین کو ماریں پیٹیں یہ سمجھتے ہیں خواتین کا سیاست سے تعلق نہیں ہے۔

پی ٹی آئی رہنما زرتاج گل نے مزید کہا کہ الیکشن نہ کرانے کا پی ٹی آئی کو نقصان نہیں ہے، الیکشن نہ کرانے کا نقصان پی ڈی ایم کو ہے۔