اسپین میں پیدا ہونے والے مراکش کے مشہور ومعروف فٹ بالر اشرف حکیمی ہسپانوی فٹبال ٹیم کا حصہ بننے کے بجائے اپنی آبائی ٹیم سے کھیلنے کو ترجیح دی۔

قطر میں جاری فیفا ورلڈ کپ کے ناک آؤٹ مرحلے کے اہم ترین میچ میں مراکش نے اسپین کو اپ سیٹ شکست دیتے ہوئے میگا ایونٹ سے باہر کردیا اور تاریخ میں پہلی بار فیفا ورلڈکپ کے کوارٹر فائنل میں رسائی حاصل کی۔

گزشتہ روز اسپین اور مراکش کے درمیان انتہائی دلچسپ میچ ہوا جہاں 90 منٹ کے کھیل کے باوجود کوئی بھی ٹیم گول اسکور کرنے میں کامیابی حاصل نہیں کرسکی جس کے بعد 30 اضافی منٹ میں بھی مراکش نے بھرپور طریقے سے اسپین کے حملوں کو پسپا کیا تاہم وہ خود بھی کوئی گول نہیں کرسکی۔

یہ بھی پڑھیں؛ مراکش نے اسپین کو اپ سیٹ شکست دے دی

بعد ازاں اضافی وقت میں بھی گول نہ ہونے پر میچ کا فیصلہ پنالٹی شوٹس پر ہوا جہاں مراکشی گول کیپر یاسین نے ہسپانوی کھلاڑیوں کے 3 حملے ناکام بنائے اور یوں مراکش 3 گول سے جیت کر تاریخ میں پہلی بار کوارٹر فائنل میں پہنچ گیا۔

مراکش کی ٹیم نے 4 پینلٹی ککس میں سے 3 پر گول کر دیے جب کہ ہسپانوی ٹیم پہلی تینوں پینلٹی ککس پر کوئی گول کرنے میں کامیاب نہ ہو سکی۔

Morocco’s winning penalty and Hakimi, with ice water in his veins, delivers the victory. #WorldCup pic.twitter.com/Jr7ZjLGjTj

— Ives Galarcep (@SoccerByIves) December 6, 2022

اسپین کی اپ سیٹ کے بعد اسٹار مراکشی فٹبالر اشرف حکیمی توجہ کا مرکز بنے رہے کیوں کہ مراکش کی جانب سے فیصلہ کن پنالٹی شوٹ انہوں نے ہی ماری تھی اور اسی گول کے بعد مراکش کو تاریخی فتح نصیب ہوئی۔

تاریخی فتح کے بعد اسٹار مراکشی فٹبالر حکیمی رقص کرتے ہوئے مجمع میں بیٹھی اپنی والدہ کے پاس پہنچے اور ان کے ماتھے پر بوسہ دیا۔

There is no love greater than a Mother’s love 💕

Achraf Hakimi ❤️🇲🇦#AchrafHakimi #WorldCup2022 #morocco_spain #MoroccovsSpain #WorldcupQatar2022 #Spain #Indianfootball pic.twitter.com/QkH14ZPjj0

Advertisement

— Shamii muhd (@muhd_shamii) December 7, 2022

اشرف حکیمی کی پیدائش اسپین کے شہر میڈرڈ میں ہوئی تھی لیکن انہوں نے فٹ بال کھیلنے کے لیے اپنے والدین کے آبائی ملک مراکش کا انتخاب کیا تھا۔

ایک انٹریو کے دوران مراکشی فٹ بالر اشرف حکیمی نے بتایا تھا کہ میری والدہ لوگوں کے گھروں میں صفائی کا کام کیا کرتی تھیں اور میرے والد سڑکوں پر مختلف اشیاء فروخت کرتے تھے۔

انہوں نے کہا کہ ہمارا تعلق ایک غریب مگر سفید پوش گھرانے سے ہے جنہیں اپنے کمانے اور کھانے کے لیے جدوجہد کرنا پڑتی تھی۔

اشرف حکیمی کا کہنا تھا کہ میرا یہ کیریئر والدین کی دین ہے اور آج میں ہر روز ان کے لیے کھیلتا ہوں کیونکہ انہوں نے میرے لیے قربانیاں دیں، اور میرے بھائیوں کو بہت سی چیزوں سے صرف اس لیے محروم رکھا تاکہ میں کامیاب ہو سکوں۔

اشرف حکیمی اس وقت فرانسیسی فٹ بال کلب پیرس سینٹ جرمن (پی ایس جی) کے مستقل کھلاڑیوں میں سے ایک ہیں۔ وہ اس سے قبل مشہور کلب ریال میڈرڈ اور اطالوی کلب انٹر میلان کی طرف سے بھی فٹ بال کھیلتے رہے ہیں۔