خلیجی ممالک نئے دور میں داخل ہو رہے ہیں، شہزادہ محمد بن سلمان

عائشہ فیاض

09th Dec, 2022. 05:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خلیجی ممالک نئے دور میں داخل ہو رہے ہیں، شہزادہ محمد بن سلمان

ریاض: خلیج تعاون کونسل کے اجلاس میں شہزادہ محمد بن سلمان نے کہا کہ خلیجی ممالک نئے دور میں داخل ہو رہے ہیں۔

خلیج تعاون کونسل کا 48 واں سربراہی اجلاس سعودی عرب میں ہوا جس کی صدارت سعودی ولی عہد شہزادہ محمد بن سلمان نے کی۔ اجلاس میں امارات، عمان، کویت، قطر اور بحرین کے سربراہان نے شرکت کی۔

یہ بھی پڑھیں: سعودی عرب اور چین میں تعلقات کے نئے دور کا آغاز

اجلاس کے دوران سعودی ولی عہد شہزادہ محمد بن سلمان کا کہنا تھا کہ امارات کے مرحوم فرمانروا شیخ خلیفہ بن زاید کو خراج عقیدت پیش کرتے ہیں جب کہ فیفا وڑلڈکپ کی میزبانی پر امیر قطر شیخ تمیم بن حمد کو انہوں نے مبارک باد بھی پیش کی۔

انہوں نے کہا کہ خلیج تعاون کونسل نے علاقائی اور عالمی سطح پر ہمیشہ اپنا کردار ادا کیا ہے، خلیجی ممالک نئے دور میں داخل ہو رہے ہیں۔

ان کا کہنا تھا کہ ہم خلیجی ممالک کی ترقی کے لئے نیا وژن پیش کرنے کا ارادہ رکھتے ہیں جب کہ خلیجی ممالک کی ترقی کے لئے شاہ سلمان کا وژن واضع ہے۔

یہ بھی پڑھیں: چین عرب سمٹ، فلسطینی صدر محمود عباس سعودی عرب پہنچ گئے

شہزادہ محمد بن سلمان کہتے ہیں کہ ایران کو چاہئے کہ وہ بین الاقوامی معاہدوں کی پابندی کرے، خلیج تعاون کونسل اور عرب ممالک مسئلہ فلسطین کے منصفانہ حل پر زور دیتے ہیں۔

انہوں نے مزید کہا کہ یمن میں سیاسی حل کے لئے بین الاقوامی کوششوں کا ساتھ دے رہے ہیں۔