وزارت خارجہ نے پاکستان اور ترکیہ کے سفارتی تعلقات کی 75 ویں سالگرہ کی یاد میں ایک تقریب کا انعقاد کیا، جس میں دونوں ممالک کے درمیان سماجی اتحاد اور ثقافتی تنوع کو اجاگر کیا گیا۔تقریب کے دوران، ترکیہ اور پاکستان کے سفارتی حکام اور اہم شخصیات نے باہمی فلاح و بہبود کے لیے اپنے ترقی پسند تعاون کو مزید مستحکم کرنے کے عزم کا اظہار کیا۔ترکی کے Arçelik A.Ş کے ذیلی ادارے ڈاؤلینس کے چیف ایگزیکٹو آفیسر عمر احسن خان نے کہا کہ دونوں ریاستوں کے درمیان تاریخی دوستی گزشتہ 75 سالوں میں مثبت طور پر پروان چڑھی ہے۔انہوں نے مزید کہا،’’ہمارا ترقی پسند تعاون تمام سماجی و اقتصادی شعبوں میں بڑے فائدے فراہم کر رہا ہے۔ ہم پاکستان اور ترکیہ کے درمیان صنعتی اور تکنیکی تعاون کی زبردست صلاحیت پر یقین رکھتے ہیں۔‘‘عمر احسن خان کا کہنا تھا کہ Arçelik A.Ş یورپ کا دوسرا سب سے بڑا مینوفیکچرر ہے، جس کا ہیڈ کوارٹر ترکیہ میں ہے، اور اس نے پاکستان کی معروف تیکنیکی مصنوعات کی اختراعی کمپنی ڈاؤلینس کو مکمل طور پر حاصل کر لیا ہے۔ انہوں نے کہا کہ 2016 ء سے، یہ مضبوط منصوبہ پہلے ہی پاکستان میں 120 ملین ڈالر سے زیادہ کی سرمایہ کاری  کرچکا ہے تاکہ  پائیدار ترقی اور خوشحالی کو یقینی بنایا جا سکے۔گزشتہ چھ سالوں کے دوران، ڈاؤلینس آرسیلک پاکستان کو صارفین کے لیے پائیدار مصنوعات کی برآمدات کا علاقائی مرکز بنانے کے لیے کوشاں ہے۔ اس نے حکومت کی طرف سے اپنائی گئی ’’میک ان پاکستان‘‘ پالیسی کو آگے بڑھانے کے لیے ‘ٹیکنالوجی کی منتقلی’ کے منصوبوں میں بہت زیادہ سرمایہ کاری کی ہے۔Dawlance-Arcelik نے اس موقع پر سفارتی حکام کو ایک یادداشت بھی پیش کی، جس میں دونوں ریاستوں کے درمیان تعلقات کو فروغ دینے کے عزم کا اعادہ کیا گیا تھا۔ 1947 ء میں پاکستان کے ایک آزاد ریاست کے طور  پر وجود میں آنے  کے بعد 30 نومبر 1947 ء کو اس کے ترکیہ کے ساتھ جدید سفارتی تعلقات قائم ہوگئے تھے۔ قبل ازیں بھی، دونوں ممالک کے عوام پہلے ہی متحد تھے، کیونکہ صدیوں سے  ان کے درمیان بہت سی مذہبی، روحانی، جذباتی، فکری اور لسانی مشترکات ہیں۔

فیصل بینک اور بینک آف خیبر جدید مالیاتی خدمات پیش کریں گے

فیصل بینک لمیٹڈ (FBL) اور بینک آف خیبر (BoK) نے ڈیجیٹل مالیاتی خدمات کا ایک مجموعہ شروع کرنے کے لیے شراکت داری کی ہے، جس میں ڈیجیٹل ادائیگی کے اضافی حل کے ساتھ ورچوئل اور ڈیبٹ کارڈ کی خدمات شامل ہیں۔اس سلسلے میں جاری کردہ ایک بیان کے مطابق فیصل بینک اپنے فِن ٹیک ایکسپریس پروگرام کے ذریعے بینکوں اور فِن ٹیک س کے ساتھ شراکت داری قائم کرکے اسٹیٹ بینک آف پاکستان (SBP) کے پاکستان میں مالیاتی شمولیت کے اقدام کی مزید حوصلہ افزائی کرتا ہے۔ فیصل بینک کا فِن ٹیک ایکسپریس پروگرام مالیاتی اداروں کی شناخت اور جدید ٹیکنالوجی کے ذریعے اپنے صارفین کے ڈیجیٹل سفر میں مدد کرنے پر مرکوز ہے۔اس شراکت داری کے ساتھ، بینک آف خیبر صارفین کے ڈیجیٹل سفر کو تیز کرنے اور اپنے صارفین کو ان کی بینکاری ضروریات کو پورا کرنے کے لیے بہت سے ڈیجیٹل حل تک رسائی فراہم کرنے کے سلسلے میں پروگرام سے فائدہ اٹھائے گا۔

دونوں بینکوں کے درمیان معاہدے پر دستخط کی تقریب سے خطاب کرتے ہوئے، ایف بی ایل کے چیف ایگزیکٹو آفیسر (سی ای او) یوسف حسین نے کہا: ’’فیصل بینک پاکستان میں ڈیجیٹل مصنوعات کے انقلاب کا سنگ بنیاد بننا چاہتا ہے۔ ہم متعدد کھلاڑیوں کے ساتھ ایکو سسٹم پارٹنرشپ کو فروغ دینے اور اسے مضبوط کرنے پر توجہ مرکوز کرتے ہیں جس سے انہیں متعلقہ شعبوں میں کم لاگت کے ساتھ مہارت حاصل ہوتی ہے۔‘‘انہوں نے مزید کہا، ’’یہ معاہدہ پاکستان میں دیگر بینکوں اور اسٹارٹ اپس کو سہولت فراہم کرنے کے لیے ہمارے عزم کو ظاہر کرتا ہے۔‘‘بینک آف خیبر کے منیجنگ ڈائریکٹر اور سی ای او علی گلفراز نے کہا: ’’بینک آف خیبر تمام چینلز پر لین دین اور ادائیگیوں کے لیے اپنے صارفین کو آسانی، سہولت اور عالمی قبولیت فراہم کرنے کے لیے پرعزم ہے۔ فیصل بینک اور بینک آف خیبر کے درمیان شراکت داری بین الاقوامی ادائیگی کی اسکیموں اور ڈیجیٹل سروسز کو آن بورڈ کرکے بینک آف خیبر کے ڈیجیٹل ماحولیاتی نظام کو مضبوط بنانے میں مدد کرے گی جس سے ہمارے صارفین کو ادائیگی کے حل کی ایک جامع رینج میسر آئے گی ۔‘‘ فیصل بینک، کراچی میں منعقدہ معاہدے پر دستخط کی تقریب میں امین الرحمان، چیف ڈیجیٹل آفیسر اور فیصل بینک لمیٹڈ کے ڈیجیٹل ایکو سسٹم اور شراکت داری کے سربراہ فہد مرزا اور خیبر بینک کے گروپ ہیڈ ڈیجیٹل اور کنزیومر بینکنگ عاصم بشیر نے بھی شرکت کی۔

پاک قطر فیملی تکافل، یو مائیکرو فنانس بینک نے بینک تکافل معاہدے پر دستخط کر دیے

پاک-قطر فیملی تکافل لمیٹڈ اور یو مائیکرو فنانس بینک، پاکستان کے سب سے تیزی سے ترقی کرنے والے مائیکرو فنانس بینک نے حکمت عملی کے ساتھ ایک تاریخی بینک تکافل معاہدے پر دستخط کیے ہیں۔اس تعاون کے تحت، فیملی تکافل کی مصنوعات یو بینک کے تقسیم کار نیٹ ورک کے ذریعے پیش کی جائیں گی، جو پاکستان میں سب سے بڑے مائیکرو فنانس بینکنگ برانچ نیٹ ورک میں سے ایک ہے۔اس شراکت داری کی مفاہمت کی یادداشت پر یو مائیکرو فنانس بینک کی چیف کمرشل آفیسر اور چیف آف اسٹاف مریم پرویز اور پاک قطر فیملی تکافل لمیٹڈ کے چیف ایگزیکٹو آفیسر عظیم آئی پیرانی نے دستخط کیے، جب کہ دستخط کی تقریب کی صدارت یو مائیکرو فنانس بینک کے صدر اور سی ای او کبیر نقوی نے کی۔ اس موقع پر دونوں اداروں کے سینئر انتظامی عہدیدار بھی موجود تھے۔ اس موقع پر عظیم آئی پیرانی نے کہا: ’’ہمیں پاکستان کے سب سے بڑے تقسیم کار نیٹ ورکس میں سے ایک کے حامل اور سرکردہ مائیکرو فنانس بینک کے ساتھ شراکت داری پر خوشی ہے۔ ہمیں یقین ہے کہ یہ شراکت داری تکافل کے ذریعے ہر ایک کو مالی تحفظ فراہم کرنے کے اپنے طویل المدتی وژن کو آگے بڑھانے میں ہماری مدد کرے گی اور یو بینک جیسے ہم خیال شراکت داروں کے ساتھ کام کرنا ہمیشہ حوصلہ افزا ہوتا ہے جو ایک جیسے اہداف اور پاکستان کے شہریوں کے لیے مناسب قیمت پر مبنی اور مالیاتی حل پیش کرنے کی جانب ایک جیسی اپروچ رکھتے ہیں۔‘‘

 کبیر نقوی نے کہا: ’’ہمیں خوشی ہے کہ یو بینک کی مالی شمولیت اور توسیع کی کوششوں کے ثمرات، پاک-قطر فیملی تکافل لمیٹڈ کے ساتھ ہماری شراکت داری سے یو بینک کے نیٹ ورک کے ذریعے بینکاری صارفین کو اسلامی مالیاتی خدمات تک بہتر رسائی فراہم کی جاسکتی ہے۔‘‘انہوں نے مزید کہا کہ ’’یہ باہمی طور پر مفید تعاون صنعتی تعلقات کو ہم آہنگ کرنے کے لیے کلیدی حیثیت رکھتا ہے اور ہمیں یو بینک میں تکافل خدمات متعارف کرانے کا ایک زبردست موقع فراہم کرتا ہے۔‘‘شراکت داری کے معاہدے کا مقصد صارفین کو اپنی مرضی کے مطابق ‘ بنکا تکافل ‘ مصنوعات کی پیشکش کرنا ہے اور یہ دونوں کمپنیوں کے لیے مقامی مالیاتی خدمات کے ماحولیاتی نظام میں ایک اہم سنگ میل ہے۔شراکت داری عالمی معیار کی تکافل مصنوعات کے لیے راہ ہموار کرے گی، جو یو بینک کی ملک بھر میں 250 سے زائد شاخوں کے وسیع نیٹ ورک میں مرحلہ وار متعارف کرائی جائیں گی۔