شادی میں بھینس کی انٹری دیکھ کر صارفین  دنگ رہ  گئے۔

سوشل میڈیا پر ایک ویڈیو تیزی سے وائرل ہو رہی ہے جس میں دیکھا جا سکتا ہے کہ ایک بھینس شادی کے منڈپ میں گھس آئی ہے۔

बिन बुलाए बाराती…#bull #wedding #TrendingNow #Trending #viral pic.twitter.com/4LPMo6OhCt

— Narendra Singh (@NarendraNeer007) December 8, 2022

وائرل ہونے والی ویڈیو بھارت کی ہے جو تیزی سے سوشل میڈیا پر وائرل ہو رہی ہے۔

ویڈیو میں دیکھا جا سکتا ہے کہ کچھ لوگ اس بھینس سے ڈر رہے ہیں جبکہ بھینس کو بھگانے کی بھی کوشش کی جا رہی ہے۔

بھینس کو کھانے کی جگہ پر بھی جاتا ہوا دیکھا جا سکتا ہے تاہم بھنس نے  شادی کے منڈپ میں کسی قسم کا نقصان نہیں پہنچایا اور وہاں سے چلی بھی گئی۔

وائرل ہونے والی اس بھینس کی ویڈیو پر صارفین کی جانب سے متعدد کمنٹس کیے جا رہے ہیں۔

ایک صارف نے کمنٹ کرتے ہوئے کہا کہ مجھے اس ویڈیو کو دیکھ کر بالی وڈ کی فلم تھری ایڈیٹ یاد آگئی جس میں عامر خان سمیت دو دوست شادی میں صرف کھانا کھانے کے لیے انٹری لیتے ہیں۔

جبکہ ایک صارف نے اس فلم کا ڈائیلاگ بھی لکھا جس میں عامر خان کا دوست سوال کرتا ہے کہ شادی میں کیسے جائے؟ ساتھ ہی کہتا ہے کہ لوگ ہمیں پہچان جائے گے کہ ہم مہمان نہیں ، جس پر عامر خان جواب دیتا کہ شادی میں جانے کے لیے صرف کاسٹیوم یعنی شادی کے کپڑے چاہیے ہوتے ہیں۔

واضح رہے کہ سوشل میڈیا پر اکثر ایسی ویڈیو وائرل ہو جاتی ہیں جسے دیکھ کر بچے تو بچے بڑے بھی اپنی ہنسی پر قابو نہیں رکھ پاتے۔