لاہورہائی کورٹ نے سانحہ ماڈل ٹاؤن نئی جے آئی ٹی کےخلاف سماعت 13 دسمبر تک ملتوی کردی۔

تفصیلات کے مطابق لاہورہائی کورٹ میں سانحہ ماڈل ٹاؤن نئی جے آئی ٹی کےخلاف کیس کی سماعت ہوئی۔

عدالت نے ریمارکس دیے کہ قانون کے مطابق عدالت کسی بھی وقوعہ کا نوٹس لے سکتی ہے، ٹراٸل عدالت کے فیصلےتضاد کوواضع کیاجائے۔

لاہور ہائیکورٹ کےچیف جسٹس امیر بھٹی کی سربراہی میں سات رکنی لارجر بنچ نے سانحہ ماڈل ٹاون کی نئی جے آئی ٹی کےخلاف درخواست کی سماعت کی۔

ملزم پولیس کانسٹیبل خرم رفیق کے وکیل فرہاد شاہ نے دلائل دیے کہ قانون کے برعکس دوسری جے آئی ٹی بن نہیں سکتی تھی۔ سپریم کورٹ کےعبوری حکم کی بجائےتفصیلی حکم کاہی اطلاق ہوتا ہے۔

انھوں نے کہا کہ دیکھنا ہے کہ دوسری ایف آئی آر درج ہونے سے قانون کی منشا تو متاثر نہیں ہوئی۔ قانون کے مطابق چالان پیش ہونے اور گواہان طلب ہونے پر دوبارہتفتش شروع نہیں ہو سکتی۔

عدالت نے ریمارکس دیےقانون کے مطابق عدالت کسی بھی وقوعہ کا نوٹس لے سکتی ہے۔ ٹراٸل عدالت کے فیصلے میں کہاں تضاد ہے، فل بںچ کے روبرو ملزم پولیس اہلکار خرم کے وکیل فرہاد شاہ کے دلائل مکمل ہوگئے۔

جس پر عدالت نے سماعت 13دسمبر تک ملتوی کردی، کل ہونے والی سماعت میں ملزم پولس اہلکار رضوان کے وکیل برہان معظم ملک دلاٸل دیں گے۔