ایم کیو ایم اپوزیشن میں نہیں ہے، حلیم عادل

ویب ڈیسک

16th Dec, 2022. 07:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ایم کیو ایم اپوزیشن میں نہیں ہے، حلیم عادل

اپوزیشن لیڈر حلیم عادل شیخ نے کہا ہے کہ ایم کیو ایم اپوزیشن میں نہیں ہے۔

تفصیلات کے مطابق اپوزیشن لیڈر حلیم عادل شیخ نے میڈیا سے گفتگو کرتے ہوئے کہا کہ بلاول بھٹو کبھی کبھی سندھ کے دورے پر آتے ہیں، وہ پونے دو ارب بیرون ملک کے دوروں پر خرچ کرتے ہیں، سندھ ہاؤس میں جو خباثت ہے وہ اربوں روپے سے بھی صاف نہیں ہو گی۔

حلیم عادل شیخ نے کہا کہ بلال کا کیا قصور تھا؟ جو ہاتھ پولیس کو روکنے چاہیے تھے وہ ہاتھ آج شہری روک رہے ہیں، اس چکر میں 100 سے زائد لوگ جاں بحق ہوئے ہیں، بلال کا قتل پولیس کے منہ پر کلنک کا تکہ ہے۔

پریس کانفرنس میں انہوں نے یہ بھی کہا کہ سندھ کے عوام کو لاوارث چھوڑا ہوا ہے، کچے کے ڈاکوؤں کے سر پرست پکے کے ڈاکو ہیں، سندھ حکومت بھی اس امپورٹڈ حکومت میں شامل ہے۔

اپوزیشن لیڈر نے اس موقع پر کہا کہ کل عمران خان اسمبلی توڑنے کا اعلان کریں گے، وہ صحت یاب ہو رہے ہیں، ہم جنوری میں پورے سندھ کا دورہ بھی کریں گے، ایم کیو ایم اپوزیشن میں نہیں ہے، ایم کیو ایم پوزیشن میں ہیں۔