ملک میں مہنگائی ک شرح 0.40 فیصد کم ہو گئی
ادارہ شماریات کی رپورٹ کے مطابق ملک میں اس ہفتے 22 اشیاء ضروریہ کی قیمتیں بڑھیں اور 9 کی کم ہوئی ہیں۔
تفصیلات کے مطابق ادارہ شماریات نے مہنگائی کے ہفتہ وار اعدادوشمار جاری کر دیے جس میں ادارے نے بتایا کہ ملک میں مہنگائی کی شرح 0.40 فیصد کم ہوئی جس کے بعد مہنگائی کی مجموعی شرح 29.42 فیصد ریکارڈ ہوئی ہے۔
ادارے کا کہنا ہے کہ ایک ہفتے کے دوران 51 اشیاء ضروریہ میں سے 22 کی قیمتوں میں اضافہ، 9 اشیا کی قیمتوں میں کمی جبکہ 20 اشیاء کی قیمتیں مستحکم رہیں۔
رپورٹ کے مطابق ایک ہفتے میں مرغی کی قیمت میں 5.89 فیصد کا اضافہ، پیاز کی قیمت میں 4.45 فیصد کا اضافہ، گندم کے آٹے کی قیمت میں 2.17 فیصد کا اضافہ، باسمتی ٹوٹہ چاول 2.04 فیصد، آئی آر آر آئی چاول کی قیمت میں 1.74 کا اضافہ، چینی 1.31، نمک 1.08 اور واشنگ سوپ کی قیمت میں 2.30 فیصد کا اضافہ ہوا ہے۔
جاری کردہ رپورٹ کے مطابق گزشتہ ہفتے ٹماٹر 28.71، آلو 16.63، انڈے 2.64 فیصد، دال ماش 0.44، دال چنا 0.22 فیصد جبکہ کوکنگ آئل کے 5 کلو کے ڈبے کی قیمت میں 0.32 فیصد کی کمی واقع ہوئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
