گورنرپنجاب بلیغ الرحمان نے اسپیکر پنجاب اسمبلی سبطین خان کی کل کی وزیراعلیٰ پنجاب کو اعتماد کا ووٹ لینے سے متعلق رولنگ کوغیرآئینی اور غیرقانونی قراردے دیا ہے۔

انہوں نے اسپیکر پنجاب اسمبلی کی رولنگ کو مسترد کرتے ہوئے کہا کہ آئین کی پاسداری اسپیکر کی ذمہ داری ہے، آپ کی رولنگ غیر قانونی اور غیر آئینی ہے۔

اانہوں نے کہا کہ آپ نے آئین کے تحت حلف اٹھایا ہے آپ اس سے انحراف نہیں کرسکتے ، اسمبلی رولز دو سو نو اے کے تحت اگلا سیشن فوری بلا سکتے ہیں۔

اسپیکر کی رولنگ غیر قانونی قرار

Advertisement

گورنر پنجاب کا بڑا فیصلہ
تازہ ترین مناظر#GovernorPunjab pic.twitter.com/GbPdw6CUb0

— BOL Network (@BOLNETWORK) December 21, 2022

بلیغ الرحمان نے اسپیکر سبطین خان کو جواب دیتے ہوئے مزید کہا کہ آپ نے اسمبلی اجلاس ملتوی کردیا میں نے فوری اجلاس بلایا جوکہ آج ہونا تھا۔

گورنر پنجاب بلیغ الرحمان نے آریٹکلُ130کی شق 7 کے تحت حکم نامہ جاری کیا اور کہا کہ آئین کا دفاع اور قانون کی پاسداری سپیکر کی ذمہ داری ہے، اسپیکر آئینی ذمہ داری کی ادائیگی میں ذاتی پسند کو ملحطوظ خاطر نہ رکھیں۔

مزید پڑھیں؛ اسپیکر پنجاب اسمبلی نے رولنگ جاری کر دی

یاد رہے کہ گورنر پنجاب بلیغ الرحمان نے پی ڈی ایم کی جانب سے تحریک عدم اعتماد جمع ہونے کے بعد وزیراعلیٰ پنجاب چوہدری پرویز الٰہی کو اعتماد کا ووٹ لینے کی ہدایت کی تھی، جس کیلئے 21 دسمبر شام 4 بجے اجلاس بلایا گیا تھا۔

واضح رہے گزشتہ روز اسپیکر پنجاب اسمبلی سبطین خان نے 2 صفحات پر مشتمل رولنگ جاری کی تھی۔

اسپیکر پنجاب اسمبلی سبطین خان کی جانب سے جاری کردہ رولنگ کے مطابق اراکین اسمبلی کی ریکوزیشن پر اسپیکر کا طلب کردہ پنجاب اسمبلی کا اجلاس پہلے سے جاری ہے۔

رولنگ میں کہا گیا ہے کہ پنجاب اسمبلی کا اجلاس 23 اکتوبر کی ریکوزئشن کے مطابق  پہلے ہی ان سیشن ہے، جب تک موجودہ سیشن ختم نہیں ہوتا، گورنر نیا  سیشن نہیں بلا سکتے۔

وزیر اعلیٰ پر عدم اعتماد کی کاروائی صرف اسی مقصد کیلئے خصوصی بلائے گئے اسمبلی سیشن میں ہی ممکن ہے، ایسا سیشن موجودہ سیشن ختم ہونے پر ہی بلایا جا سکتا ہے۔

اسپیکر نے اپنی رولنگ میں لاہور ہائیکورٹ کے ایک فیصلے کا بھی حوالہ دیا، منظور وٹو بمقابلہ فیڈریشن نامی اس فیصلے میں لاہور ہائیکورٹ نے قرار دیا تھا کہ وزیراعلیٰ کو اعتماد کا ووٹ خصوصی طلب کردہ اجلاس میں ہی دیا جا سکتا ہے۔

ایسا خصوصی اجلاس صرف اس وقت طلب کیا جا سکتا ہے جب اسپیکر پہلے سے جاری اجلاس کو خود برخاست کر دے، منظور وٹو والے فیصلے میں عدالت نے قرار دیا تھا کہ وزیراعلی کو اعتماد کا ووٹ لینے کے لئے 10 دن کا وقت دیا جانا ضروری ہے۔

آئین کے آرٹیکل 109 کے تحت گورنر کو پنجاب اسمبلی کا اجلاس بلانے اور برخاست کرنے کا اختیار ہے، گورنر نے 14 جون کو پنجاب اسمبلی کا 41 واں اجلاس ایوان اقبال میں طلب کیا تھا جو آج تک برخاست نہیں کیا گیا، اس صورتحال میں گورنر کے پاس وزیراعلی کو اعتماد کا ووٹ لینے کا کہنے کا اختیار نہیں ہے۔

رولز کے مطابق میں سمجھتا ہوں کہ گورنر کا وزیراعلی پنجاب کو اعتماد کا ووٹ لینے کا کہنا آئین و قانون کے مطابق نہیں، اس لئے گورنر کی ہدایت پر عملدرآمد ممکن نہیں اس لئے اسے مسترد کیا جاتا ہے۔