پاکستان تحریک انصاف (پی ٹی آئی) کے رہنما عمران اسماعیل نے کہا ہے کہ ہم صدر پاکستان سے گزارش کرتے ہیں کہ اس گورنر کو ڈی نوٹیفائی کریں۔

سماجی رابطے کی ویب سائٹ ٹوئٹر پر اپنے جاری کردہ بیان میں عمران اسماعیل نے کہا کہ گورنر پنجاب نے غیر قانونی کام کیا ہے، عوام میں جانے کا خوف اس حکومت سے خُد کشی کروا رہا ہے، فکر نہ کرو عمران آ رہا ہے۔

گورنر پنجاب نے غیر قانونی کام کیا ہے- ہم صدر پاکستان سے گزارش کرتے ہیں کہ اس گورنر کو ڈی نوٹیفائ کریں- عوام میں جانے کا خوف اس حکومت سے خُد کشی کروا رہا ہے- فکر نہ کرو عمران آ رہا ہے- #گورنر_پنجاب_کوعہدےسےہٹاؤ

— Imran Ismail (@ImranIsmailPTI) December 23, 2022

انہوں نے کہا کہ یہ فیصلہ ہو جانا چاہیے کہ 58(2)B استعمال ہوسکتا ہے یا نہیں؟ ان کو سہارا دینے والوں کو سوچنا ہوگا، یہ پاکستان کا سوال ہے، چوروں سے پاکستان نہیں چل سکتا یہ بات تو ہے۔

کچھ بھی کریں ملک الیکشن کی طرف جائے گا

سابق گورنر سندھ نے کہا کہ پی ڈی ایم قیادت خوار رسوا ہر جگہ سے ناکام ہوچکی مگر تمام تر ذلتوں کے باوجود کرسی سے چپکے رہنے کے خواہشمند ہیں، جانتے ہیں کرسی گئی تو عوام ان کا برا حال کریں گے۔

عمران اسماعیل نے مزید کہا کہ کچھ بھی کریں ملک الیکشن کی طرف جائے گا، جس سے معاشی اور سیاسی استحکام آئے گا۔

گورنر پنجاب کو عہدے سے ہٹانے کیلئے صدر پاکستان اور وزیراعظم کو مراسلہ ارسال

دوسری جانب جوڈیشل ایکٹیوزم پینل کے چیئرمین کی جانب سے گورنر پنجاب کو عہدے سے ہٹانے کیلئے صدر پاکستان اور وزیراعظم کو مراسلہ ارسال کردیا گیا ہے۔

 گورنر کی جانب سے اجلاس بلانے اور وزیراعلیٰ پنجاب سمیت کابینہ کو ڈی نوٹیفائی کرنے کے معاملے پر بلیغ الرحمان کو عہدے سے ہٹانے کے لئے صدر پاکستان اور وزیر اعظم پاکستان شہباز شریف کو مراسلہ بھیج دیا گیا ہے۔

مراسلہ جوڈیشل ایکٹیوزم پینل کے چیئرمین اظہر صدیق ایڈووکیٹ کی جانب سے بھیجا گیا ہے جس میں  درخواست کی گئی ہے کہ اگر گورنر کو فوری طور پر عہدہ سے ہٹایا نہ گیا تو عدالتوں سے رجوع کیا جائے گا۔

یہ بھی پڑھیں:گورنر پنجاب نے اسپیکر پنجاب اسمبلی کی رولنگ مسترد کردی

مراسلے کے نکات:

مراسلے میں بتایا گیا ہے کہ گورنر نے اپنے آئینی اختیارات سے تجاوز کیا ہے کیونکہ جب تک اجلاس حتم نہیں ہوجاتا گورنر نیا اجلاس نہیں بولا سکتے تھے۔

بتایا گیا ہے کہ کسی ایم پی اے نے استعفیٰ نہیں دیا اور نہ ہی کوئی فارورڈ بلاک بنا ہیں اور بغیر کسی وجہ کہ آئین کے آرٹیکل 130 سب آرٹیکل7 کو سامنے رکھتے ہوئے جو اقدامات اٹھائے وہ غیر قانونی اور غیر آئینی ہیں۔

گورنر نے اپنے حلف بھی توڑا ہے گورنر کو آئین کے آرٹیکل 101 کے عہدہ سے ہٹایا جائے۔

مزید پڑھیں؛ اسپیکر پنجاب اسمبلی نے رولنگ جاری کر دی

گورنر پنجاب نے وزیر اعلیٰ پنجاب چوہدری پرویز الٰہی کو ڈی نوٹیفائی کر دیا

نوٹیفکیشن کے مطابق اعتماد کا ووٹ نہ لینے پر پرویز الٰہی اور کابینہ آئینی طور پر غیر فعال ہے اور اس ہی وجہ سے پرویز الٰہی کو ڈی نوٹیفائی کیا جا رہا ہے۔

Advertisement

Since CM has refrained from obtaining Vote of Confidence at the appointed day and time therefore he ceases to hold office. Orders issued this evening pic.twitter.com/ZWnK376DfP

— M Baligh Ur Rehman (@MBalighurRehman) December 22, 2022

نوٹیفکیشن میں مزید کہا گیا کہ پرویز الٰہی ایوان کا اعتماد کھو چکے ہیں، اب پنجاب کابینہ ختم ہو چکی ہے۔