دنیا بھر میں ایسے افراد کی کمی نہیں ہے جنہیں ہر وقت سردی محسوس ہوتی ہے اور اسی لیے ان کا جسم ٹھنڈا رہتا ہے یہ کیفیت محض تکلیف کا باعث ہی نہیں بنتی بلکہ یہ ان بنیادی صحت کے مسائل میں سے کسی ایک کی علامت بھی ہو سکتی ہے۔

سرد موسم میں سردی محسوس کرنا معمول کی بات ہے۔ ہوسکتا ہے کہ آپ کے ہاتھ اور پیروں میں خاص طور پر ٹھنڈک محسوس کرنے کا رجحان ہو۔ لیکن اگر آپ گرم موسم میں بھی سردی محسوس کرتے ہیں تو یہ جسم میں کسی مسئلے کی جانب نشاندہی کرتا ہے یہاں ایسی ہی وجوہات پیش کی جارہی ہیں جو سردی لگنے کا سبب بنتی ہیں۔

  کم جسمانی وزن

اگر آپ کا وزن بی ایم آئی کے مطاق کم ہے تو سردی لگنے کی یہ ایک ممکنہ وجہ ہوسکتی ہے میگی مون، آر ڈی، لاس اینجلس میں مقیم غذائیت کے ماہرکا کہنا ہے کہ جب آپ کا وزن کم ہوتا ہے جسم کوگرم رکھنے لے لیے چربی کی سطح کم ہوتی ہے اس طرح انسان ہر موسم میں سردی محسوس کرتا ہے۔

 اسی طرح جسم کا وزن کم ہوتا تو جسم کے پٹھوں کی کمیت بھی کم ہوتی ہے، یہ بھی سردی لگنے کا سبب بنتے ہیں، اس کی وجہ یہ ہے کہ عضلات گرمی پیدا کرکے جسم کے درجہ حرارت کو برقرار رکھنے میں مدد کرتے ہیں۔

کیا کریں

اگر آپ کا وزن کم ہے، تو اپنے معالج سے رابطہ کریں تاکہ وہ وزن میں کمی کی وجہ جان سکے ساتھ ہی صحت بخش غذاؤں کوخوراک کا حصہ بنائیں تا کہ وزن بڑھنے پر اس مسئلے سے نجات حاصل کی جاسکے۔

   ہائپوتھائیرائیڈزم

ہمیشہ ٹھنڈ محسوس کرنا ہائپوتھائیرائڈزم کی ایک واضح علامت ہے، جس کا مطلب ہے کہ آپ کا تھائی رائیڈ گلینڈ مناسب مقدارمیں ہارمون خارج نہیں کر رہا۔  ہولی فلپس، ایم ڈی، جو نیو یارک سٹی میں ایک پرائیویٹ پریکٹس کے ساتھ بورڈ سے تصدیق شدہ انٹرنسٹ ہیں کہتے ہیں کہ ، اگر اس ہارمون کی سطح توازن میں نہ ہو تو یہ میٹابولزم کے سست ہونے کا باعث بنتا ہے۔ اور اس سست رفتار کی وجہ سے جسم میں مناسب حرارت پیدا نہیں ہوپاتی جبکہ اس کی دیگر علامات میں بالوں کا  گرنا، خشک جلد اور بال، غیر واضح وزن میں اضافہ شامل ہے۔

کیا کریں

اگر آپ کوخدشہ ہے کہ یہ تھائرائیڈ کی وجہ ہے تو اپنے معالج سے رابطہ کریں اور معالج کی ہدایات کے مطابق عمل کریں۔

آئرن کی کمی یا انیمیا

جسم میں آئرن یعنی خون کی کمی دائمی سردی کی سب سے عام وجوہات میں سے ایک ہے۔ اس کی وجہ یہ ہے کہ آئرن خون کے سرخ خلیوں کوپورے جسم میں آکسیجن لے جانے میں مدد کرتا ہے، اس طرح جسم میں حرارت پیدا ہوتی ہے۔

ڈاکٹر فلپس کا کہنا ہے کہ آئرن اس لیے بھی بہت اہم ہے کیونکہ اس کی کمی تھائی رائیڈ کے کام کو سست کر سکتی ہے، جس سے ہائپوٹائرائیڈزم ہو سکتا ہے- جومزید سردی لگنے کا باعث بن سکتا ہے۔ جبکہ آئرن کی کمی کی دوسری علامات میں جلد کی زرد رنگت، ٹوٹے ہوئے ناخن اور توجہ مرکوزرکھنے میں دشواری شال ہے۔

کیا کریں

سب سے پہلے، آئرن کی کمی کی تشخیص کریں اورآئرن سے بھرپور غذاؤں جیسے سرخ گوشت، پتوں والی سبزیاں اور انڈے کا استعمال کریں۔

ناقص گردش

اگرآپ کے ہاتھ پاؤں اکثر ٹھنڈے رہتے ہیں یہ جسم میں خون کی ناقص گردش کی علامت ہوسکتی ہے اس کی وجہ یہ ہے کہ خون کی گردش جسم میں حرارت کا سبب بنتی ہے۔

ڈاکٹرروہرکا کہنا ہے کہ خون کو آپ کے جسم کے اعضاء تک پہنچنے میں دشواری کا سامنا کرنے کی دیگر وجوہات میں دل کی بیماری بھی شامل ہے، جس کی وجہ سے آپ کا دل مؤثر طریقے سے پمپ نہیں کر پاتا۔

کیا کرنا چاہئے

اس سلسلے میں اپنے معالج سے رابطہ کریں تاکہ اس وہ اس کے لیے مناسب علاج تجویز کرسکیں۔

 پانی کی کمی

اگرآپ مناسب مقدار میں پانی نہیں لیتے تو یہ بھی سردی لگنے کی ایک اہم وجہ ہوسکتی ہے بالغ انسانی جسم میں 60 فیصد تک پانی ہوتا ہے، اور پانی جسم کے درجہ حرارت کو منظم کرنے میں مدد کرتا ہے۔

اگر مناسب مقدارمیں پانی پیا جائے تو یہ گرمی کو جذب کرکے اسے جسم میں آہستہ آہستہ جاری کرے کرتا جس جسم کا درجہ حرارت برقرار رہتا ہے۔ پانی کی کمی کی دیگر علامات میں چکرآنا، خشک جلد، تھکاوٹ، معمول سے کم پیشاب اور پسینہ آنا، پیشاب کی رنگت کا گہرا ہوجانا  اور منہ کا خشک ہونا شامل ہے۔

کیا کریں

دن میں کم از کم آٹھ گلاس پانی پینے کو اپنی عادت بنالیں اور اگر آپ ورزش کر رہے ہیں یا دھوپ میں وقت گزار رہے ہیں تو اس کی مقدار میں اضافہ کر دیں۔

 وٹامن بی 12 کی کمی

وٹامن بی 12 کی کمی بھی جسم کو ٹھنڈارکھنے میں اہم کر دار ادا کرتی ہے۔ اس کی دیگرعلامات میں تھکاوٹ، اسہال یا قبض، بھوک میں کمی، جلد کی زرد رنگت اورچڑچڑاپن محسوس کرنا اورسوجن شامل ہے۔

کیا کریں

اگرچہ عام آبادی بہت  ہی کم اس وٹامن کی کمی کا سامنا کرتی ہے لیکن یہ اس کی کمی صرف سبزیوں پر انحصار کرنے والوں میں اکثر دیکھی جاتی ہے۔ اس لیے معالج کے مشورے سے اس وٹامن کے سپلیمنٹ استعمال کئے جاسکتے ہیں۔

بلڈ شوگر

امریکن ڈائیبیٹیز ایسوسی ایشن کے مطابق، ذیابیطس جس کو کنٹرول نہیں کیا جاسکتا وہ پیریفرل نیوروپتی نامی حالت کا سبب بن سکتی ہے جس سے آپ کے ہاتھوں اور پیروں کے اعصاب کو نقصان پہنچ سکتا ہے۔

جبکہ خون میں شوگر کی سطح کم ہونے سے ہائپوگلیسیمیا ہونے لگتا ہے جس سے آپ سردی محسوس کر سکتے ہیں۔

کیا کریں

اگر آپ کو ذیابیطس کا مرض ہے تو خون میں چینی کی سطح کو توازن میں رکھیں اوراگر آپ اس مرض میں مبتلا نہیں ہیں تب بھی معالج سے رابطہ کریں۔

نیند کی کمی

ڈاکٹر فلپس کا کہنا ہے کہ  نیند کی کمی اعصابی نظام کومتاثر کرتی ہےجوجسم میں درجہ حرارت کو کنٹرول کرنے والے نظام کو تبدیل کر سکتے ہیں، اس کے علاوہ تھکاوٹ کی صورت میں آپ کا میٹابولزم سست رفتار سے کام کرتا ہے اورمیٹابولک مسائل کا ہونا بھی سردی کے احساسات کا باعث بن سکتا ہے۔

کیا کریں

رات میں آٹھ گھنٹے کی پر سکون نیند لیں سونے سے قبل کچھ کھانے پینے اور ورزش کرنے سے گریز کریں اسکرین کا استعمال بھی نہ تاکہ آپ بھرپور نیند لیں سکیں۔