کرسٹیانو رونالڈو کے ساتھی ایک اچھی کارکردگی کے باوجود اپنا چمکتے ستارے کے آخری ورلڈ کپ کو یادگار نہ بنا سکے

پرتگال

گھانا کے خلاف اپنے پہلے میچ میں، پرتگال نے 3-2 سے کامیابی حاصل کی لیکن یہ ان کے لیے مثالی آغاز نہیں تھا کیونکہ انھیں احساس ہو گیا تھا کہ گھانا کی کمزور ٹیم کے خلاف صرف ایک گول کے فرق سے جیتنا کوئی خاص کامیابی نہیں۔

پرتگال کا اگلا میچ یوراگوئے کی شکل میں ایک مساوی حریف کے خلاف تھا۔ دونوں ٹیموں کو ابتدائی مدت میں گول کرنے میں مشکلات کا سامنا کرنا پڑا۔

رونالڈو کو سب سے پہلے دوسرے ہاف کے 54 ویں منٹ میں گول کرنے کا کریڈٹ دیا گیا جو دراصل برونو فرنینڈس نے کیا تھا۔ یوراگوئے نے میچ برابر کرنے کی مسلسل کوششیں کیں لیکن وہ ایسا کرنے میں ناکام رہا۔

اضافی وقت میں، برونو فرنینڈس نے دوبارہ پنالٹی پر گول کرکے اپنی ٹیم کو 2-0 کی حتمی برتری دلادی۔

جنوبی کوریا کے خلاف اپنے آخری گروپ میچ سے پہلے، راؤنڈ آف 16 کے لیے پرتگال کی اہلیت کی تصدیق ہو چکی تھی، پھر بھی وہ ایک لچکدار کوریائی سائیڈ سے ٹکرائے۔

سب سے اہم راؤنڈ آف 16 کے میچ میں پرتگال کا سوئٹزرلینڈ سے مقابلہ ہوا، لیکن سب کے لیے حیران کن، فرنینڈو سانتوس نے رونالڈو کو اس میچ میں شامل نہیں کیا اور ٹیم کی اس ناقابل یقین کارکردگی میں متبادل گونکالو راموس کی ہیٹ ٹرک بھی شامل تھی۔

پرتگال نے سوئس ٹیم کو 6-1 سے شکست دے کر اپنے ورلڈ کپ کے سفر کو ایک اور راؤنڈ یعنی کوارٹر فائنل تک بڑھا دیا۔ وہاں، انہیں حیرت انگیز پیکیج مراکش کا سامنا کرنا پڑا۔

کھیل شروع ہوتے ہی 42ویں منٹ میں مراکش کے اسٹرائیکر یوسف این نیسری کے شاندار ہیڈر نے افریقی ٹیم کو برتری دلائی۔ ناک آؤٹ مرحلے کے دوران یہ مراکش کا پہلا گول بھی تھا۔ دوسرے ہاف میں رونالڈو بینچ سے جدوجہد کرنے والے پرتگال کو بچانے کے لیے میدان میں آئے لیکن کچھ نہ کر سکے۔آخر کار، مراکش نے ٹورنامنٹ میں پرتگال کی دوڑ کو ختم کردیا۔

گھانا

ورلڈ کپ 2010ء میں اپنی عجوبہ کارکردگی کے بعد کوارٹر فائنل میں ایک اذیت ناک شکست کے بعد، گھانا کی ٹیم اس سال کے ایڈیشن میں ایک بار پھر گرجنا چاہتی تھی۔ تاہم، پہلے ہی میچ میں پرتگال جیسے حریف کے سامنے یہ آسان کام نہیں تھا۔

61 وین منٹ میں کرسٹیانو رونالڈو نے ہر ورلڈ کپ میں گول کرنے کا ایک ذاتی سنگ میل حاصل کیا، انہوں نے پنالٹی پر ایک گول کر کے پرتگال کو کھیل میں برتری دلائی۔ جواب میں گھانا کے کپتان آندرے آیو نے 73 ویں منٹ میں برابری کا گول کیا۔

پرتگال کے جواؤ فیلکس اور رافیل لیاؤ نے اگلے سات منٹ میں ایک ایک گول کرکے برتری کو 3-1 کردیا۔ لیکن بلیک اسٹارز ہار ماننے کے موڈ میں نہیں تھے کیونکہ 89 ویں منٹ میں عثمان بخاری نے گول کرکے اسے 3-2 کر دیا جو فائنل اسکور ثابت ہوا۔

اپنے اگلے مقابلے میں گھانا کا سامنا جنوبی کوریا سے ہوا۔ افریقی ملک نے محمد قدوس اور محمد سالیسو کے گول کی بدولت پہلے ہاف میں کھیل کے 10 منٹ کے بعد 2-0 کی برتری حاصل کر لی۔

تاہم، وقفے کے بعد جنوبی کوریا کے چو گو سنگ نے تین منٹ میں دو ناقابل یقین ہیڈرز کے ساتھ اسکور کو برابر کردیا۔ لیکن قدوس نے تیسرا گول کر کے جنوبی کوریا کے شائقین کے دل توڑ دیے۔

گھانا اپنے تیسرے اور آخری گروپ فکسچر میں یوروگوئے کے سامنے تھا۔ گھانا نے 21 ویں منٹ میں ابتدائی برتری حاصل کرنے کا موقع گنوا دیا، سرجیو روچیٹ نے گھانا کے کپتان آیو کی کمزور پنالٹی کو آسانی سے روک لیا۔یوراگوئے نے اس غلطی کا فائدہ اٹھایا اور 26 ویں منٹ میں لوئس سواریز کی گیند کو جارجین ڈی اراسکیٹا نے جال میں پہنچا دیا۔ جنوبی امریکیوں نے اگلے چھ منٹ میں ایک اور گول کر کے اپنی ٹیم کی برتری کو 2-0 سے بڑھا کر تین پوائنٹس حاصل کر لیے۔مجموعی طور پر، وہ ورلڈ کپ میں اپنے مختصر دور میں متاثر کن رہے۔

یوراگوئے

الونسو کے زیر انتظام ٹیم نے اپنا پہلا گروپ گیم جنوبی کوریا کے خلاف کھیلا جو 0-0 سے برابری پر ختم ہوا حالانکہ دونوں ٹیموں نے سخت مقابلہ کیا تھا اور مختلف مواقع پر گول کرنے کی کوشش کر رہی تھیں۔

پرتگال، جس کی قیادت کرسٹیانو رونالڈو نے کی، لا سیلسٹے کے لیے اگلی حریف ٹیم تھی۔ برونو فرنینڈس کے دو گول کی بدولت پرتگالی ٹیم نے یوروگوئین ٹیم کو 2-0 سے شکست دی۔

نتیجے کے طور پر، گھانا کے خلاف یوراگوئے کا میچ جیتنا ضروری ہو گیا جبکہ اگلے گروپ میں آگے بڑھنے کے لیے پرتگال کو گوڈن کی ٹیم کے لیے جنوبی کوریا کو ہرانا بھی ضروری تھا۔

اگرچہ یوراگوئے نے گھانا کو 2-0 سے شکست دی، لیکن وہ پرتگال بمقابلہ جنوبی کوریا کے مقابلے میں کوئی سازگار نتیجہ حاصل نہ کرسکے، جس کے نتیجے میں وہ عالمی مقابلے سے باہر ہوگئے۔

یوراگوئے سے ایک بہتر کوشش کی توقع تھی، جو بڑے مراحل میں کھیلنے کا تجربہ رکھتے ہیں اور سواریز اور کاوانی کی شکل میں دنیا کے دو بہترین کھلاڑی ان کی ٹیم کا حصہ ہیں۔

جنوبی کوریا

یوراگوئے کے خلاف جنوبی کوریا کا پہلا گروپ میچ 0-0 سے برابری پر ختم ہوا کیونکہ لا سیلسٹے جنوبی کوریا کے مضبوط دفاع کے خلاف ناکام رہے۔

تاہم، جنوبی کوریا کو گھانا کے خلاف اپنے دوسرے میچ میں 3-2 سے شکست کا سامنا کرنا پڑا کیونکہ چو گوئی سنگ اپنی ٹیم کے لیے دونوں گول اسکور کرنے والے واحد ’ٹائگک واریئر‘ ثابت ہوئے۔

سون ہیونگ من کی قیادت والی ٹیم کو اگلے مرحلے میں جگہ حاصل کرنے کے لیے اپنے آخری گروپ گیم میں پرتگال کے خلاف جیت درکار تھی اور اس نے بالکل ایسا ہی کیا۔ کم یونگ گونگ اور ہوانگ ہی چین نے کوالیفائر میں اپنی جگہ کو یقینی بنانے کے لیے ایک لازمی گیم میں اپنی ٹیم کے لیے قدم بڑھایا۔

راؤنڈ آف 16 میں جنوبی کوریا کا سامنا ٹورنامنٹ کے فیورٹ برازیل سے ہوا، جس نے اپنی مخالف ٹیم کو ایک سے زیادہ مرتبہ اسکور کرنے نہیں دیا اور بینٹو کی ٹیم تھیاگو سلوا کی قیادت والی ٹیم سے 4-1 سے ہار گئی۔

جنوبی کوریا کچھ انفرادی کارکردگیوں کے حوالے سے ضرور قابل ذکر رہی لیکن کبھی بھی ٹورنامنٹ کے اگلے مرحلے کی جانب بڑھتے ہوئے ایک خطرے کے طور پر خود کو منوانے میں ناکام رہی۔