سوشل میڈیا پر ایک ویڈیو وائرل ہو رہی ہے جس میں میگی لڈو زیرِ بحث ہے۔

سوشل میڈیا پر ایک تصویر گردش کر رہی ہے جس میں میگی لڈو کو دیکھا جا سکتا ہے۔

میگی لڈو کا کبھی کسی نے تصور بھی نہیں کیا ہوگا یہی وجہ ہے کہ لوگوں کی جانب سے اسے  کچھ خاص پسند بھی نہیں کیا جا رہا اور سب اس عجیب و غریب ڈش  سے ناپسندیدگی کا اظہار کررہے ہیں۔

انسٹاگرام  پر وائرل ہونے والی میگی لڈو کی ترقیب کو متعدد لوگ لائک کر چکے ہیں جبکہ بہت سے سوشل میڈیا صارفین اس ڈش کے حوالے سے تنقیدی کمنٹس بھی کررہے ہیں۔

اجزاء:

سرونگ: 4

میگی 1 پیکٹ

پاؤڈر چینی 1 کپ

گھی 3/4 کپ

سوجی 3 کھانے کے چمچ

الائچی پاؤڈر 1 چائے کا چمچ

گارنشنگ کے لیے

میگی نوڈلز 2 کھانے کے چمچ

ترقیب:

میگی کو مکسر جار میں لیں اور ایک پین میں گھی لیں۔

جب گھی گرم ہو جائے تو ڈیپ فرائی کر کے گارنشنگ کے لیے استعمال ہونے والی میگی کو ایک طرف رکھ دیں۔

اسی پین میں پاؤڈر میگی ڈال کر چند منٹ بھونیں۔

اب سوجی ڈالیں اور اچھی خوشبو آنے تک بھونیں۔

اب گیس بند کر کے پاؤڈر چینی اور الائچی پاؤڈر ڈال دیں۔

اچھی طرح مکس کریں اور ٹھنڈا ہونے دیں۔

ڈیپ فرائیڈ میگی کو اپنے ہاتھ میں کچل کر پلیٹ میں رکھیں ​​اور لڈو بنا لیں۔

پسی ہوئی میگی پر لڈو رول کریں اور گرم گرم سرو کریں۔

اس ترقیب پر ایک سوشل میڈیا صارف نے کمنٹ کیا کہ یہ کیا بنا دیا۔

جبکہ ایک صارف نے  کہا کہ میگی چٹ پٹی اورلڈو میتھے ہی اچھی لگتے ہیں۔

:مزید پڑھیں

https://www.bolnews.com/urdu/amazing/2022/12/654173/

اس سے قبل بھی ایک ویڈیو وائرل ہوئی تھی جس میں اوریوں میگی تیار کی گئی تھی۔

 تاہم  اس بار میگی کو ایک الگ ذائقہ دینے کے لیے میگی میں اوریوں بسکٹ کو شامل کیا گیا۔

ویڈیو میں دیکھا جا سکتا ہے کہ اوریوں میگی تیار ہونے کے بعد اُسے آئس کریم کے ساتھ پیش کیا گیا۔

یہ ہی نہیں بلکہ چاکلیٹ بریانی کی ویڈیو بھی سوشل میڈیا پر کافی زیرِ بحث رہ چکی ہے۔

چاکلیٹ بریانی کی ویڈیو میں دیکھا جا سکتا ہے کہ بریانی تیار کرنے کے بعد اس کے اُوپر چاکلیٹ ڈالی جا رہی ہے۔

واضح رہے کھانوں کے اصل ذائقے کو تبدیل کر کے نیا ذائقہ دینے کی کوشش پر سوشل میڈیا صارفین خوشی کے بجائے غصے کا اظہار کررہے ہیں۔