تنویر الیاس نے کہا ہے کہ فنی تعلیم کے فروغ سے خواتین کی آمدنی میں اضافہ ہوگا۔

تفصیلات کے مطابق وزیراعظم آزاد کشمیر سردار تنویر الیاس خان نے دارالحکومت مظفرآباد کے علاقے  پلیٹ میں ووکیشنل ٹریننگ انسٹیٹیوٹ کا دورہ اور افتتاح کیا ہے۔

دورے کے دوران وزیراعظم آزادکشمیر نے ووکیشنل ٹریننگ سنٹٹر میں مختلف شعبہ جات کا معائنہ کیا جبکہ سینٹر میں مقامی خواتین کی جانب سے شال بافی، گبہ سازی اور سلائی کے کام کا بھی معائنہ کیا۔

اس موقع پر تنویر الیاس خان کو ووکیشنل ٹریننگ سنٹٹر میں خواتین کو دی جانی والی ٹریننگ اور درپیش مسائل کے بارے میں بریفنگ دی گئی جبکہ وزیراعظم آزادکشمیر تنویر الیاس خان کی جانب سے گزشتہ دنوں ووکیشنل ٹریننگ سنٹٹر سینٹر پلیٹ کیلئے 100 سلائی مشینیں بھی دی گئی تھیں۔

وزیراعظم آزادکشمیر سردار تنویر الیاس خان نے خطاب کرتے ہوئے ووکیشنل ٹریننگ سنٹٹرکی انتظامیہ کو کارکردگی مزید بہتر سے بہتر بنانے کی ہدایت کی اور کہا کہ آزادکشمیر کی خواتین کو معاشی طور پر خود کفیل بنانے اور خطہ سے بیروزگاری کے خاتمہ کیلئے ہنر مندی کی تربیت پر خصوصی فوکس کیا گیا ہے۔

یہ بھی پڑھیں؛ ہم نے عمران خان کے ساتھ یکجہتی کا فیصلہ کیا ہے، سردار تنویر الیاس

انہوں نے کہا کہ ہماری حکومت خواتین کو بااختیار اور باوقار بنانے کیلئے ترجیحی بنیادوں پر اقدامات اٹھارہی ہے،  اس سلسلہ میں کامیاب خواتین پروگرام سمیت مختلف شعبوں میں خواتین کی ترقی کو فوکس کیا گیا ہے، فنی تعلیم کے فروغ سے خواتین کی آمدنی میں اضافہ ہوگا۔

تنویر الیاس نے یہ بھی کہا کہ ہماری خواہش ہے کہ ہماری مائیں بیٹیاں معاشی طور پر خود کفیل ہوں، خواتین کو بلاسود قرضے دیں گے تاکہ وہ اپنی سطح پر کاروبار شروع کر سکیں، مقامی سطح پر تیار کی گئی اشیاء کی عالمی سطح پر مارکیٹنگ کریں گے

وزیراعظم آزادکشمیر سردار تنویر الیاس خان نے مزید کہا کہ آزاد کشمیر ہماری مائیں بیٹیاں کام کے کے لیے آگے آئیں ہم انہے قرضہ دیں گے وویمن امپاورمنٹ کے لیے کام کر رہے ہیں، پہلے سے رجسٹرڈ ٹرینگ بچیوں کو تین ہزار اور نئی آنے والی ٹرینگ بچیوں کو دس ہزار روپے ماہانہ وظیفہ دیں گے۔

اس موقع پر وزیر ٹیوٹا و ایلیمنٹری اینڈ سکینڈری ایجوکیشن دیوان علی خان چغتائی، وزیر صنعت و تجارت چوہدری محمد مقبول گجر، وزیر ہائرایجوکیشن ظفراقبال ملک، وزیر ایس ڈی ایم اے اکبر ابراہیم اور معاون خصوصی وزیراعظم برائے خواتین لائبہ کوثر بھی انکے ہمراہ تھے۔