متحدہ دھڑے کو متحد کرنے کا مشن کڑے مرحلے میں داخل ہوگیا ہے، گورنر سندھ کامران خان ٹیسوری نے گزشتہ شب پاک سرزمین پارٹی کے چیئرمین مصطفیٰ کمال سے پارٹی آفس جاکر ملاقات کی۔

تفصیلات کے مطابق پی ایس پی آفس کراچی میں گورنر سندھ کامران ٹیسوری نے سربراہ پی ایس پی مصطفیٰ کمال اور انیس قائم خانی سے ملاقات کی، اس موقع پر مصطفیٰ کمال نے گورنر سندھ کو گلدستہ پیش کیا۔

روشنیوں کے شہر کو مجرموں کا شہر بنا دیا
جو کام ریاست نہیں کر سکی وہ ہم کریں گے
گورنر سندھ کا ٢ ٹوک بیان#BreakingNews #KamranTessori pic.twitter.com/YzUrXTNWXs

— BOL Network (@BOLNETWORK) December 30, 2022

ملاقات کے بعد مشترکہ پریس کانفرنس کرتے ہوئے چیئرمین پی ایس پی مصطفیٰ کمال نے کہا کہ ہم گورنر سندھ کامران ٹیسوری کو پاک سر زمین پارٹی کے دفتر میں خوش آمدید کہتے ہیں، انکی دعوت پر ہم ان سے ملنے گئے تھے۔

انہوں نے کہا کہ میں شہر سے باہر تھا، اس لئے اتنی رات میں یہ ہورہا ہے، پاک سر زمین پارٹی یہ سمجھتی ہے کہ پاکستان جس حالات سے گزر رہا ہے وہ سب جانتے ہیں۔

ہم اس شہر کی بہتری کیلئے ملکر کام کرنے کیلئے تیار ہیں

مصطفیٰ کمال نے کہا کہ یہاں گیس نہیں، پانی نہیں، تعلیم نہیں مہنگائی نے حدیں پار ہوگئی ہیں، ان مسائل پر ذاتی انا کو پیچھے رکھ کر اجتماعی سیاست کی ضرورت ہے۔

چیئرمین پی ایس پی کا کہنا ہے کہ آج اس شہر میں امن ہے یہاں رائے کا تسلط تھا، آج شہداء قبرستان میں تالے پڑے ہوئے ہیں، ہم اس شہر کی بہتری کے لئے مل کر کام کرنے کے لئے تیار ہیں۔

ہم پیپلز پارٹی کیخلاف محاز نہیں بنا رہے ہیں

انہوں نے  کہا کہ ہم پیپلز پارٹی کے خلاف محاز نہیں بنا رہے ہیں، ہماری ایم کیو ایم سے کوئی بات نہیں ہوئی بلواسطہ یا بلاوسطہ، پاکستان جس طرح معاشی دلدل میں پھنسا ہوا کراچی پر توجہ دے دیں تو دیکھیں کیا ہوتا ہے۔

مصطفیٰ کمال نے مزید کہا کہ گورنر سندھ وہ شخص ہیں جو بیچ میں ہیں جن سے ہماری دوسری ملاقات ہورہی ہے، میں انکو ایم کیو ایم کا ہی نامزد کردہ گورنر سمجھتا ہوں، ہم نے گورنر سندھ کو گورنر بننے سے پہلے ہی بھائی کہا تھا۔