بھارتی اداکارہ  تنیشا شرما کی خودکشی کیس میں ایک اہم پیش رفت ہوئی ہے۔

بھارتی میڈیا رپورٹس کے مطابق اداکارہ نے جس ڈرامے کے سیٹ پر خودکشی کی تھی ، اس سیٹ کے میک اپ روم سے ہاتھ سے لکھا ہوا تحریری نوٹ ملا ہے۔

پولیس کا اس حوالے سے کہنا ہے کہ میک اپ روم سے جو تحریری نوٹ ملا ہے اس میں لکھا ہے ’وہ خوش قسمت ہے کہ میرے جیسی ساتھی اداکارہ ملی ہے۔‘

پولیس کے مطابق پرچی پر تنیشا اور ان کے دوست شیزان خان دونوں کے نام بھی لکھے ہوئے ہیں۔

پولیس نے عدالت کو بتایا ہے کہ جس روز تنیشا نے خودکشی کی اس روز میک اپ روم میں دونوں کی 15 منٹ تک بات چیت ہوئی تھی جس کے بعد دونوں پریشان نظر آرہے تھے۔

واضح رہےکہ فلم کے سیٹ پر اداکارہ  تونیشا شرما کی خودکشی کے معاملے پر معروف بھارتی اداکارشیزان خان کو گرفتار بھی کر لیا گیا ہے۔

بھارتی میڈیا رپورٹس کے مطابق اداکارہ تُونیشا شرما نے بروز ہفتہ ایک ٹی وی شو کے سیٹ پر خود کشی کی۔

آنجہانی اداکارہ کے انتہائی قریب سمجھے جانے والے دوست شیزان خان کو گرفتار کر لیا گیا۔اب اطلاعات ہیں کہ بھارتی پولیس نے معاملے کی تفتیش کے لیے شیزان خان کو گرفتار کر کے عدالت میں پیش کیا۔

عدالت نے 4 روز کے جسمانی ریمانڈ پر شیزان خان کو پولیس کے حوالے کر دیا ہے۔

یہ بھی پڑھیں: معروف بھارتی اداکارہ نے فلم کے سیٹ پر خودکشی کرلی

بھارتی میڈیا کے مطابق اداکارہ تونیشا  کے رشتے داروں نے ساتھی اداکار شیزان ایم خان پر شبہ ظاہر کیا تھا۔

میڈیا رپورٹس میں بتایا گیا ہے کہ تونیشا کے رشتے داروں کا کہنا ہے مبینہ طور پر شیزان تنیشا کو پریشان کر رہا تھا، اس حوالے سے شیزان سے بات بھی کی گئی تھی جس پر شیزان نے بتایا تھا کہ ان کی تنیشا سے کچھ تلخیاں ہو گئی ہیں جس کی وجہ سے اداکارہ کو بہت دکھ پہنچا ہے۔

بھارتی میڈیا پر خبریں زیر گردش ہیں کہ جب تونیشا کو تشویشناک حالت میں اسپتال لے جایا گیا تو ان کی والدہ بھی وہاں پہنچیں اور اس موقع پر میڈیا سے گفتگو کرتے ہوئے اداکارہ کی والدہ نے کہا کہ تنیشا بار بار کہہ رہی تھی کہ اس نے مجھے دھوکہ دیا، وہ کیسے میرے ساتھ ایسا کر سکتا تھا، اگر وہ میرے ساتھ نہیں رہنا چاہتا تو پھر وہ میرے اتنا قریب کیوں آیا تھا۔