بالی ووڈ میں متنازع بیان دینے والی اداکارہ کنگنا رناوت نے تنیشا شرما کی موت کو قتل قرار دے دیا ہے۔

حال ہی میں اداکارہ کنگنا رناوت نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر ایک اسٹوری پوسٹ کی جس میں انہوں نے تنیشا کی موت پر کافی طویل پیغام لکھا۔

اپنے جاری کردہ پیغام میں کنگنا رناوت نے لکھا کہ “ایک عورت ہر چیز کا مقابلہ کر سکتی ہے، محبت کی، شادی کی، رشتے کی یا حتیٰ کہ کسی عزیز کی کمی کا ڈٹ کر مقابلہ کرسکتی ہے”۔

انہوں نے کہا کہ “لیکن وہ کبھی بھی اس حقیقت کا مقابلہ نہیں کر سکتی کہ اس کی محبت کی کہانی میں کبھی محبت ہی نہیں تھی، دوسرے شخص کے لیے اس کی محبت اور کمزوری صرف ایک آسان ہدف تھا، دوسرے شخص نے صرف اسے جسمانی اور جذباتی طور پر استعمال کیا”۔

ان کا کہنا تھا کہ “ایسی حالت میں وہ اپنے تاثرات پر بھروسہ نہیں کر سکتی جس کو زندہ یا مردہ ہونے میں کوئی فرق محسوس نہیں ہوتا”۔

اداکارہ کنگنا رناوت نے مزید لکھا کہ “اگر وہ اپنی زندگی ختم کرنے کا فیصلہ کرتی ہے تو براہ کرم جان لیں کہ یہ اس نے اکیلے نہیں کیا، یہ ایک قتل ہے”۔

واضح رہے کہ بھارتی فلم ’فتور‘ میں اداکاری کے جوہر دکھانے والی بالی ووڈ انڈسٹری کی اداکارہ تُنیشا شرما نے ایک ٹی وی شو کے سیٹ پر خود کشی کر لی۔

یہ بھی پڑھیں: معروف بھارتی اداکارہ نے فلم کے سیٹ پر خودکشی کر لی

بھارتی میڈیا رپورٹس کے مطابق اداکارہ تُنیشا شرما نے بروز ہفتہ ایک ٹی وی شو کے سیٹ پر خود کشی کی۔

اداکارہ کو ریاست مہاراشٹرا کے اسپتال فوری طور پر منتقل کیا گیا تھا لیکن وہاں پہنچتے ان کی موت واقع ہو چُکی تھی۔

یہ بھی پڑھیں: تنیشا شرما خودکشی کیس: پولیس کو میک اپ روم سے ’اہم ثبوت‘ مل گیا

پولیس کا کہنا تھا کہ اداکارہ نے ٹی وی سیریل کے سیٹ پر موجود میک اپ روم کے پنکھے سے لٹک کر خود کشی کی، اداکارہ کو فوری طور پر اسپتال منتقل کیا گیا لیکن وہ پہلے ہی انتقال کر چُکی تھیں۔

بتایا جا رہا ہے کہ اداکارہ کچھ دنوں سے سیٹ پر افسردہ نظر آرہی تھیں، اداکارہ تنیشا کی عمر 20 برس تھی۔