دنیا کے ہر کونے میں پہنچ کر لاکھوں انسانی زندگیاں چھیننے والا کورونا وائرس دو ممالک کی سرحدیں عبور نہیں کر سکا۔

تفصیلات کے مطابق غیر ملکی میڈیا نے ورلڈ ہیلتھ آرگنائزیش (ڈبلیو ایچ او) کے حوالے سے رپورٹ دی ہے کہ ترکمانستان اور شمالی کوریا میں ایک بھی کورونا کا کیس نہیں ہے۔

ڈبلیو ایچ او کی اس حیران کن رپورٹ پر دیگر ممالک انگشت بداں ہیں، کیونکہ موذی مرض کورونا کے وار نے اپنے جوبن پر دنیا کے تمام ممالک کو حفاظتی اقدامات کے باوجود اپنا نشانہ بنایا.

وبائی مرض کورونا نے عالمی سطح پر کئی ممالک کو غیر معمولی انسانی اور معاشی نقصان تک پہنچایا ہے۔

حال ہی میں چینی حکومت کی جانب سے ملک بھر میں نافذ زیرو کووڈ پالیسی ختم کرنے کے بعد کورونا کیسز میں غیر معمولی اضافہ ہو گیا ہے جس کے بعد ایک بار پھر دنیا بھر میں تشویش اور خوف کی لہر دوڑ گئی ہے۔

دنیا کے کئی ممالک نے چین میں ایک دفعہ پھر بڑھتے ہوئے کورونا کیسز کے بعد چین سے آنے والے مسافروں کی بہتر اسکریننگ کا اعلان کیا ہے تاکہ یہ مرض دوبارہ ان کے ممالک میں نہ آ سکے۔

لیکن ورلڈ ہیلتھ آرگنائزیشن (ڈبلیو ایچ او) کی ویب سائٹ پر ایک فہرست کے مطابق دنیا میں دو ممالک ایسے ہیں جو کورونا وائرس سے پاک ہیں۔

ڈبلیو ایچ او کی یہ فہرست پوری دنیا میں انفیکشن کے پھیلاؤ کو ظاہر کرتی ہے اس فہرست کو نیچے سکرول کرتے ہوئے صارفین کو دو ممالک کے نام نظر آئیں گے، جن کے ناموں کے آگے کورونا کے مثبت کیسز کے کالم میں صفر لکھا ہو گا۔

ورلڈ ہیلتھ آرگنائزیشن کی اس رپورٹ کے مطابق دنیا کے ہر ملک میں اس وقت بھی کورونا کے مثبت کیسز ظاہر ہو رہے ہیں لیکن ترکمانستان اور شمالی کوریا دونوں ممالک اب بھی وبائی مرض سے اچھوتے ہیں۔

ڈبلیو ایچ او کی کووڈ صورتحال پر الگ الگ صفحات پر مشتمل رپورٹ کے مطابق ترکمانستان اور شمالی کوریا نے باضابطہ طور پر عالمی وبائی مرض کے کیسز درج نہیں کئے ہیں۔

متعدد خبروں میں یہ بھی کہا گیا ہے کہ ترکمانستان وبائی مرض سے نمٹنے کے لیے خراب پوزیشن میں ہے، ملک 2019 کے گلوبل ہیلتھ سیکیورٹی انڈیکس میں 195 میں سے 101 نمبر پر ہے۔

کئی غیر ملکی خبر رساں اداروں نے ملک میں اس بیماری کے بڑے پیمانے پر پھیلنے کی اطلاع دی ہے، لیکن حکومت نے سرکاری طور پر متعلقہ ہلاکتوں کے کسی بھی معاملے کو تسلیم نہیں کیا ہے۔

دریں اثنا، شمالی کوریا نے اگست میں کہا تھا کہ وہ تمام لوگ جو ملک میں اس کے پہلے کوویڈ 19 کے انفیکشن کی تصدیق کے بعد بیمار ہوئے تھے۔ اس کے بعد سے اب تک کوئی مثبت کیس سامنے نہیں آیا ہے۔

شمالی کوریا نے مئی میں کورونا پھیلنے کا اعلان کیا تھا اور بخار اور کچھ اموات کی اطلاع دی تھی، لیکن حالیہ مہینوں میں، اس کی زیرو کووڈ کی رپورٹ میں کوئی تبدیلی نہیں ہوئی ہے۔