لیموں سپر فوڈ میں شامل ایک ایسا پھل ہے جس کی افادیت سے ہر کوئی واقف ہے ترش ذائقہ لیے اس پھل میں ایسے صحت بخش اجزاء موجود ہوتے ہیں جو آپ کو صحت مند رکھنے کے ساتھ جسم سے فاسد مادوں کے اخراج میں بھی مددفراہم کرتے ہیں۔

 لیموں نظام انہضام کو بہتر بنانے میں اپنی مثال نہیں رکھتا بد ہضمی اور اپھارہ کو دور کر کے ہاضمے کو بہتر بناتا ہے۔ یہ جسم سے فاسد مادوں کے اخراج کو یقینی بناکر آپ کی مجموعی صحت کو بہتربناتاہے۔

یہاں لیموں کا استعمال کرتے ہوئے جسم کوکس طرح ڈیٹاکس کیا جاسکتا ہے جانتے ہیں۔

جسم کو ڈیٹاکس کرنے کے لیے لیموں کے استعمال کے چند طریقے:

  کھانے کا ذائقہ بڑھائیں

آپ نمک کی جگہ کچھ تازہ لیموں نچوڑ کر اپنے کھانے یا سلاد میں ڈال کر ذائقہ بڑھا سکتے ہیں اس طرح آپ کو نمک کی کمی محسوس نہیں ہوگی۔

  ہربل چائے میں شامل کریں

کیمومائل، پیپرمنٹ، ڈینڈیلین اور سونف  سب سے زیادہ عام مقبول چائے ہیں۔ ان ہربل چائے کو مزید صحت بخش بنانے کے لیے اس میں لیموں کا رس شامل کریں۔

اگر آپ اس میں مٹھاس بھی شامل کرناچاتے ہیں تو اس کے لیے شہد کا استعمال کریں۔ آپ دن بھر ہاضمے کو بہتر بنانے کے لیے اسے گرم یا ٹھنڈا استعمال کر سکتے ہیں۔

  اسموتھی کو صحت بخش بنائیں

اگر آپ اسمودی کو پسند کرتے ہیں اس میں بھی لیموں کو شامل کیا جاسکتا ہے  اس طرح اسمودی میں ذائقہ کے ساتھ صحت بھی بڑھاسکتے ہیں۔ کیونکہ یہ ہاضمے کو بہتر بناکرآپ کے میٹابولزم کو بھی فروغ دے گی۔

 کھیرے لیموں کا پانی

لیموں کے پانی کو مزید صحت بخش بنانے کے لیے اس میں کھیرا اور تازہ پودینہ شامل کریں ان اجزاء سے تیار کیا جانے والا مشروب تازگی فراہم کرنے کے ساتھ پیٹ کو بھی صاف رکھے گا۔

لیموں اور ہلدی پیسٹ بنائیں

لیموں کے رس میں ہلدی کی تھوڑی سی مقدار شامل کرکے ایک پیسٹ بنائیں اب اسے جلد کی صفائی کے لیے استعمال کریں جلد چمکنے لگے گی۔

کلینزنگ لیمن ٹانک تیار کریں

 لال مرچ، لیموں کارس، پانی، شہد اور ایپل سائڈر سرکہ کا استعمال کرکے کلینزنگ ٹانک بنا سکتے ہیں۔

اسے تیار کرنے کے لیے ایک جگ میں چار اونس ٹھنڈا فلٹر شدہ پانی ڈالیں، اب اس میں 2 سے3 کیوبز برف، آدھا چائے کا چمچ شہد، ایک عدد لال مرچ، ایک کھانے کا چمچ سیب کا سرکہ اور ایک لیموں کا رس شامل کرکے اچھی طرح مکس کریں۔

:نوٹ

آپ ورزش سے پہلے یا صبح بیدار ہونے پر پہلے 30 منٹ کے اندر یہ مشروب پی سکتے ہیں۔ اگر آپ کو تھوڑا سا مزید میٹھا شامل کرنے کی ضرورت ہو تو آپ شہد کی مقدار کو بڑھا سکتے ہیں۔