میئرکراچی وسیم اختر نے کہا کہ مختلف یوسزمیں بہتری لانے کی کوشش کررہے ہیں جتنا ممکن ہوسکا کریں گے، سپریم کورٹ کا فیصلہ ہےسرکلرریلوے کو کلیئر کروانا ہے۔

مئیرکراچی وسیم اختر نےمیڈیا سے گفتگوکرتے ہوئے کہا کہ ہماری سپریم کورٹ سے درخواست ہے کہ جن لوگوں کے گھر ہیں ان کو متبادل جگہ دی جائے، جن لوگوں نے گھر بنائے اس کی ذمہ داری حکومت پر آتی ہے کہ آپ نے کیسے گھر بننے دیئے، حکومت کو چاہئے کہ وہ ان کو پلاٹنگ کرکے جگہ دے تا کہ لوگوں کوریلیف مل سکے۔

وسیم اختر کا مزید کہنا تھا کہ یوسی کے چیئرمین کی ذمہ داری ہے کہ وہ کام کرے، اگر میئر یا کمشنر چیزوں کو مانیٹر کریں گے تو تعریف کرنی چاہئے، آج چھٹی کا دن ہے اور ہم فیلڈ میں ہیں، اپنے لوگوں کے لئے کام کر رہے ہیں۔

مئیر کراچی نے کہا کہ سیوریج کو کلیئر کریں گے، سیوریج کا ایشو نہیں پھر بھی ہم بہتر کریں گے، فیکٹری والوں کو کہا ہے کہ صفائی وقفوں کی صورت میں کریں تا کہ سیوریج لائنوں کو خطرہ نہ ہو، کراچی کو بہترین اور روشنیوں کا شہر بنانا ہے اور یہ ہماری ذمہ داری ہے.

وسیم اختر کا مزید کہنا تھا کہ وفاقی حکومت سمجھ لے کہ کراچی کو آج گرانٹ ملے گی تو نتیجہ ایک سال بعد ملے گا، کراچی ٹیکس دیتا ہے اسے اس کا حق دیا جائے،کراچی کو کمیٹیوں کی نہیں بلکہ فوری وسائل کی ضرورت ہے،کراچی کے مسائل کو سنجیدہ لیا جائے۔