سندھ حکومت کی جانب سے منشیات اور اس سے منسلک کی تمام چیزوں کے خلاف آپریشن تیز کرنے کا فیصلہ کیا گیا ہے۔

تفصیلات کے مطابق وزیراعلیٰ سندھ سید مراد علی شاہ کی صدارت میں 28ویں اپیکس کمیٹی کا اجلاس آج منعقد ہوا جس میں اپنے خیالات کا اظہار کرتے ہوئے انہوں نے کہا کہ منشیات کا کاروبار ناقابل برداشت ہے۔

Karachi (January 5th, 2023) Sindh Chief Minister Syed Murad Ali Shah presides over 28th meeting of the Apex Committee at CM House.

Advertisement

Media Cell Team
Sindh Chief Minister House.https://t.co/ggERO3lg6hhttps://t.co/ZuA6lcPQXOhttps://t.co/XPyVBUIATohttps://t.co/cjIgNjjDqK pic.twitter.com/euswNFGPOU

— Sindh Chief Minister House (@SindhCMHouse) January 5, 2023

اس کے علاوہ وزیراعلیٰ سندھ نے ڈرگ کی اسمنگلنگ اور پھلانے والوں کے خلاف آپریشن کرنے کی ہدایت کرتے ہوئے انٹی نارکوٹکس فورس کو اسمنگلنگ کے خلاف آپریشن میں ساتھ رکھنے کی ہدایت کی ہے  اور کہا ہے کہ نشہ کرنے والے اسٹریٹ کرائم میں بھی ملوث ہیں۔

وزیراعلیٰ سندھ کا کہنا تھا کہ ان کی بحالی سے اسٹریٹ کرائم نا صرف کم ہوگا بلکہ انکو کارآمد شہری بنانے میں مدد ملے گی ۔

یہ بھی پڑھیں: اے این ایف کی منشیات کے خلاف کامیاب کارروائیاں، بھاری مقدار میں منشیات برآمد

علاوہ ازیں سیکیورٹی کی صورتحال پر بات کرتے ہوئے ان کا کہنا تھا کہ ہم کسی صورت اس دھرتی پر دہشت گردی برداشت نہیں کرینگے، ہمیں ایک مرتبہ پھر اپنی سکیورٹی انتظامات ، انٹیلی جنس سسٹم اور ٹارگیٹڈ آپریشن مزید بہتر کرنا ہے۔

خیال رہے کہ اجلاس میں صوبائی وزراء، ناصر شاہ، شرجیل میمن، مرتضیٰ وہاب، کورکمانڈر لیفننٹ جنرل بابر افتخار، چیف سیکریٹری سہیل راجپوت، ڈی جی رینجرز میجر جنرل اظہر وقاص، آئی جی پولیس غلام نبی میمن، سیکریٹری داخلہ سعید منگنیجو، پرنسپل سیکریٹری جتوئی ، ایڈیشنل آئی جی کراچی، ایڈیشنل آئی جی اسپیشل برانچ، پروسیکیوٹر جنرل سندھ، انٹیلی جنس اداروں کے صوبائی سربراہاں اور دیگر متعلقہ افسران شریک ہوئے۔