کراچی میں سندھ بلڈنگ ہاؤسنگ اتھارٹی کی جانب سے لیاقت آباد کے علاقے میں غیر قانونی تجاوزات کے خلاف آپرشن کا آغاز کردیا گیا ہے۔

تفصیلات کے مطابق کراچی کے علاقے لیاقت آباد میں عدالتی احکامات کے مطابق غیر قانونی تجاوزات کے خلاف عجب منطق کا آپریشن کا آغاز کیا گیا ہے۔

اس عجب منطق آپریشن کے مطابق لیاقت آباد میں 5 منزلہ عمارت چھوڑ کر 2 منزلہ عمارت گرادی گئی ہے۔

 بلڈوزر کا نشانہ بننے والی عمارت کے قریب 5 منزلہ بلند عمارتیں صحیح سلامت کھڑی ہیں جیسے یہاں کچھ ہوا ہی نہ ہو۔

علاقہ مکینوں کے مطابق 2 منزلہ عمارت رہائشی جبکہ 5 منزلہ کمرشل استعمال میں ہیں ۔ جن کے مالکان سندھ بلڈنگ کنٹرول اتھارٹی سے سیٹنگ کرگئے لہذا یہ عمارتیں جوں کی توں قائم ہیں۔

کراچی تجاوزات کیس میں سپریم کورٹ کا بڑا حکم

علاقہ مکین کا کہنا ہے کہ ایس بی سی اے کمرشل عمارتوں سے مبینہ طور پر رشوت لے چکی ہے، آپریشن شروع ہونے سے قبل ایس بی سی اے نے اپنے ایجنٹس کے زریعے ڈیلنگ کی تھی۔

ایس بی سی اے غیر قانونی کمرشل عمارتوں کے بجائے کمزوروں کے خلاف عمل پیرا ہے، ایس بی سی اے عدلیہ کو دکھانے کے لیئے کاسمیٹک کارروائی کر رہی ہے۔

یاد رہے کہ کراچی سپریم کورٹ کی جانب سے گذشتہ پفتے احکامات جاری کئے گئے تھے جس میں کہا گیا تھا کہ کراچی کو تجاوزات سے پاک بنایا جائے۔

جس پر عمل پپیرا ہوتے ہوئے سندھ بلڈنگ ہاؤسنگ اتھارٹی کی جانب سے کارروائیوں کا آغاز کردیا گیا ہے۔

واضح رہے کہ سپریم کورٹ کے 3 رکنی بینچ نے کراچی رجسٹری میں شہر میں پارکوں پر قبضوں، رہائشی پلاٹس کے تجارتی استعمال اور تجاوزات کے خلاف سابق سٹی ناظم نعمت اللہ خان سمیت مختلف سماجی کارکنان کی درخواستوں کی سماعت کی۔

چیف جسٹس پاکستان نے کراچی تجاوزات کیس میں ریمارکس دیئے کہ یہ محکمہ بہت کرپٹ ہے، وزیراعلیٰ سندھ تمام کرپٹ اور نااہل افسران کو فارغ کریں۔

ان کا کہنا تھا کہ یہ تاثر بھی ہے کہ ایس بی سی اے پیسے لیکر تعمیرات کراتی ہے جبکہ سندھی مسلم اور پی ای سی ایچ ایس میں جو ہورہا ہےسمجھ سے بالاتر ہے۔