اس ملک میں بے لاگ احتساب کا واحد چیمپئن عمران خان ہے، زلفی بخاری

ویب ڈیسک

07th Jan, 2023. 02:53 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اس ملک میں بے لاگ احتساب کا واحد چیمپئن عمران خان ہے، زلفی بخاری

رہنما تحریکِ انصاف زلفی بخاری نے کہا کہ اس ملک میں بے لاگ احتساب کا واحد چیمپئن عمران خان ہے۔

تفصیلات کے مطابق نیب میں ایک بار پھربہ طور گواہ طلبی کے معاملے پر زلفی بخاری نے کسی انتقامی ہتھکنڈے سے مرعوب نہ ہونے کا اعلان کرتے ہوئے کہا کہ اس ملک میں بے لاگ احتساب کا واحد چیمپئن عمران خان ہے۔ امپورٹڈ چوروں نے این آر او ٹو کے ذریعے اقتدار میں آتے ہی سب سے پہلے نیب کو تباہ کیا۔

رہنما پی ٹی آئی زلفی بخاری نے کہا کہ نیب قانون میں ترامیم کے ذریعے قوم کے لوٹے گئے 12 سو ارب ہڑپ کرنے کی اجازت دی گئی۔ نوازشریف، شہبازشریف، زرداری، شاہد خاقان عباسی، حمزہ شہباز سمیت نیب کی گرفت سے نکلنے والے چوروں کی فہرست طویل ہے

زلفی بخاری نے کہا کہ مستحق طلبہ و طالبات کیلئے جدید و معیاری اسلامی تعلیم کے بندوبست میں کردار ادا کرنے کو جرم بنایا جارہا ہے، کٹھ پتلیوں کے ہرانتقامی حربے کا سامنا، انہیں عوام میں ننگا کرنے کا سلسلہ پوری شدت سے جاری رکھیں گے۔

واضح رہے کہ نیب نے سیاسی بنیادوں پر قائم بھونڈے مقدمے میں تحریک انصاف کے رہنما زلفی بخاری کو ایک مرتبہ پھر بطور گواہ طلب کرلیا ہے۔

”بغل میں چھری منہ میں رام رام“ کرنے والی امپورٹڈ سرکار انتقامی کارروائیوں سے باز نہ آئی، تحریکِ انصاف کے رہنما زلفی بخاری کو 9 جنوری کو دن 11 بجے نیب راولپنڈی کے دفتر میں طلب کیا گیا ہے۔