ایسا صرف پاکستان میں ہی ہوتا ہے کہ آپ کو اپنے ملک میں ہونے والی تین میچوں کی ون ڈے سیریز کے لیے 24 ممکنہ کھلاڑی نظر آئیں۔ ذرا رکیے! دراصل، 22 ممکنہ تھے اور بعد میں اس فہرست میں مزید دو کھلاڑی شامل کیے گئے۔

درحقیقت، ابتدا میں 21 کھلاڑی تھے اور محمد حسنین کو 22 ویں کے طور پر شامل کیا گیا اور بالآخر فخر زمان اور حارث سہیل کو فٹنس ٹیسٹ کے بعد 24 کی فہرست میں شامل کیا گیا۔ الجھن ہے، ہے نا؟

پاکستان کے ہر دوسرے اسکواڈ کے اعلان کے ساتھ ایسا ہی ہوتا ہے۔ اور اندازہ کریں کہ کیا؟ جن تین کھلاڑیوں کو بعد میں شامل کیا گیا، وہ بھی حتمی اسکواڈ میں جگہ بنانے میں کامیاب ہوئے۔

ہاں، تینوں حتمی اسکواڈ میں شامل ہیں۔ لیکن پھر ان کا اعلان ابتدائی ممکنہ فہرست میں کیوں نہیں کیا گیا اور کس چیز نے انہیں قطار کو توڑ کر سیدھے مرکب میں کودنے پر مجبور کیا؟ اس کا جواب ہم کبھی نہیں جان پائیں گے۔

پاکستان کرکٹ کبھی بھی مایوس کن لمحات کا شکار نہیں رہی۔ سب چھوڑیں، جس 16 رکنی اسکواڈ کا اعلان کیا گیا تھا اس میں دراصل ایک ایسا کھلاڑی شامل تھا جو 24 ممکنہ کھلاڑیوں کا حصہ بھی نہیں تھا۔

ہاں ایسا ہوا اور وہ کھلاڑی اسامہ میر ہیں۔ سوال یہ ہے کہ وہ پہلے اعلان شدہ اسکواڈ کے ان 24 کھلاڑیوں میں شامل کیوں نہیں تھے اور اگر آپ کسی ایسے کھلاڑی کو منتخب کرنے جارہے ہیں جو اسکواڈ کا حصہ بھی نہیں ہے تو ممکنہ کھلاڑیوں کا اعلان کرنے کا کیا فائدہ؟

ٹھیک ہے، شاہد آفریدی جب کرکٹ کھیلتے تھے تو ہمیشہ جوابات سے زیادہ سوالات چھوڑتے تھے، اور انہوں نے محدود اوورز کی سیریز کے لیے اپنی پہلی ٹیم کے انتخاب کے ساتھ بھی ایسا ہی کیا ہے۔

اگر آپ سوچ رہے تھے کہ کیا یہ 24 کھلاڑی لاہور کے نیشنل ہائی پرفارمنس سینٹر (این ایچ پی سی) میں کسی تربیتی کیمپ کا حصہ تھے، تو جواب نفی میں ہے۔ وہاں کوئی کیمپ نہیں تھا اور نہ ہی کوئی جواز فراہم کیا گیا تھا کہ صرف تین ون ڈے میچوں کے لیے 24 کھلاڑیوں کا اعلان کرنے کی ضرورت کیوں پیش آئی۔

عبوری چیف سلیکٹر نے مزید کہا کہ وہ مزید کھلاڑیوں پر غور کر رہے ہیں اور اگر انہیں 30 ممکنہ کھلاڑیوں کی فہرست کا اعلان کرنے کی آزادی ملتی تو وہ محمد حریرہ، صائم ایوب، صاحبزادہ فرحان، مبصر خان، فیضان ریاض اور احمد شہزاد جیسے کھلاڑیوں کو شامل کرتے۔

آپ نے آئی سی سی ایونٹ کے لیے 30 ممکنہ کھلاڑیوں کے بارے میں سنا ہوگا، لیکن ہمارے چیف سلیکٹر روایتی طریقے سے کام نہیں کرتے۔

ون ڈے اسکواڈ کا جائزہ

پاکستان نے نیوزی لینڈ کے خلاف تین میچوں کی سیریز کے لیے ون ڈے اسکواڈ کا اعلان کیا جس میں تین نئے کھلاڑی بھی شامل ہیں۔

ان کھلاڑیوں میں طیب طاہر شامل ہیں جن کی لسٹ اے کرکٹ میں اوسط 43 اعشاریہ 95 ہے۔ باقی سب میں شاید طاہر کی شمولیت ایک متوقع شمولیت تھی جب انہوں نے حال ہی میں ختم ہونے والے پاکستان کپ کو ٹاپ اسکورر کے طور پر ختم کیا۔

وہ ٹورنامنٹ میں 573 رنز بنانے میں کامیاب رہے۔ انہوں نے قائداعظم ٹرافی میں بھی واقعی عمدہ پرفارم کیا تھا، جہاں انہوں نے 59 کی صحت مند اوسط سے 708 رنز بنائے تھے۔

کامران غلام ایک اور نئے کھلاڑی ہیں جنہیں اسکواڈ میں شامل کیا گیا۔ انہوں نے پاکستان کے ٹیسٹ اسکواڈ میں شمولیت بھی حاصل کی اور جب وہ پاکستان کپ کھیل رہے تھے تو لسٹ اے کرکٹ میں ان کی اوسط 44 اعشاریہ 54 رہی اور انہوں نے پاکستان کپ میں صرف چھ اننگز میں دو سنچریوں اور دو نصف سنچریوں کے ساتھ 435 رنز بنائے۔

اسکواڈ میں تیسرے نئے کھلاڑی اسامہ میر ہیں جنہوں نے پاکستان کپ میں 28 وکٹیں حاصل کیں جو کہ ٹورنامنٹ کی تاریخ میں کسی بھی باؤلر کی جانب سے سب سے زیادہ وکٹیں تھیں۔ انہیں شاداب خان کی جگہ منتخب کیا گیا تھا، جو بگ بیش لیگ میں انگلی کی چوٹ سے صحت یاب نہیں ہو سکے۔

حارث سہیل کو بھی شاہد آفریدی نے واپس بلا لیا۔ انہوں نے اکتوبر 2020ء میں پاکستان کے لیے اپنا آخری ون ڈے کھیلا۔ ون ڈے کرکٹ میں پاکستان کے لیے 41 اننگز میں ان کی اوسط 46 اعشاریہ 80 ہے۔

محمد رضوان بھی سرخ گیند کی کرکٹ میں سرفراز احمد سے پیچھے رہ جانے کے باوجود اپنی جگہ برقرار رکھنے میں کامیاب رہے۔ وہ ون ڈے اسکواڈ میں پاکستان کا واحد وکٹ کیپنگ آپشن ہیں جس میں محمد حارث جگہ بنانے میں ناکام رہے۔

اوپننگ بلے باز شان مسعود نے تاہم کامیابی حاصل کی اور حیران کن طور پر انہیں ٹیم کا نائب کپتان بھی نامزد کیا گیا۔ انہوں نے 2019ء میں ون ڈے کرکٹ میں پانچ بار پاکستان کی نمائندگی کی۔ وہ بابر اعظم اور ویرات کوہلی دونوں سے بہتر لسٹ اے اوسط رکھنے کا منفرد ریکارڈ رکھتے ہیں۔

بڑا مسئلہ

شاہد آفریدی محدود اوورز کی کرکٹ میں پاکستان کے لیے فنشر کا کردار ادا کرتے تھے لیکن کسی وجہ سے وہ بھول گئے کہ ون ڈے کرکٹ میں یہ کردار اب بھی موجود ہے۔

ان کے اعلان کردہ اسکواڈ میں ڈیتھ اوورز کے ماہر یا نمبر 6 کی کمی محسوس ہو رہی ہے۔ آغا سلمان، حارث سہیل، کامران غلام یا طیب طاہر میں سے کوئی بھی اس کردار کے لیے موزوں نہیں ہے۔

غور طلب ہے کہ افتخار احمد اور خوشدل شاہ شامل نہیں ہیں، جن پر موجودہ سلیکشن کمیٹی نے غور نہیں کیا۔

دونوں کھلاڑیوں نے ماضی قریب میں مین اِن گرین کے لیے ان پوزیشنوں پر بیٹنگ کی تھی۔ درحقیقت خوشدل نے ٹیم کے لیے فارمیٹ میں اپنے مختصر کیریئر میں تین میچ جیتنے والی اننگز کھیلی تھیں۔

انہوں نے آسٹریلیا کے خلاف 17 گیندوں پر 27 ناٹ آؤٹ رنز بنائے جب گرین کیپس جیت کے لیے 349 رنز کا تعاقب کر رہی تھی، ویسٹ انڈیز کے خلاف 23 گیندوں پر ناقابل شکست 41 رنز بنائے جب ہدف 306 تھا اور کیریبیئن جائنٹس کے خلاف پہلے بیٹنگ کرتے ہوئے 43 گیندوں پر 34 رنز بنائے جب گرین شرٹس صرف 117/5 پر مشکلات کا شکار تھے۔

تاہم، ان پرفارمنس پر حیرت انگیز طور پر کسی کا دھیان نہیں دیا گیا اور انہیں بیک اپ آپشنز کے بغیر ٹیم سے باہر کردیا گیا۔

سب سے اہم بات یہ ہے کہ پاکستان کے پاس شاداب خان جیسی سہولت موجود ہے جو ان پوزیشنوں پر بیٹنگ کرنے کی صلاحیت رکھتے تھے۔

اسکواڈ کے انتخاب میں ایک اور واضح مسئلہ یہ ہے کہ پاکستان کپ سے منتخب ہونے والے کھلاڑی اسٹرائیک ریٹ کے لحاظ سے ٹاپ 10 کھلاڑیوں میں شامل نہیں تھے۔ اس نے گرین کیپس کے حوالے سے ایک بار پھر جوابات سے زیادہ سوالات چھوڑ دیے ہیں۔

الجھن

گزشتہ تین سالوں میں پاکستان نے نو مختلف کھلاڑیوں کو ون ڈے کرکٹ میں نمبر 6 پر آزمایا اور ان میں سے صرف ایک کا نام موجودہ اسکواڈ میں ہے۔

وہ کھلاڑی محمد نواز ہیں، لیکن انہوں نے اس پوزیشن پر صرف ایک اننگز کھیلی ہے اور وہ پانچ گیندوں پر صرف تین رنز بنانے کے بعد آؤٹ ہوئے۔

اس مسئلے کا دوسرا حل نمبر 6 کی پوزیشن پر نمبر 5 بلے باز کو آزمانا اور کسی حد تک نقصان کا ازالہ کرنا ہے۔

اس پوزیشن پر بھی پاکستان نے گزشتہ تین سالوں میں نو مختلف کھلاڑیوں کو آزمایا ہے اور ان میں سے صرف دو یعنی محمد رضوان اور آغا سلمان اس اسکواڈ میں دستیاب ہیں۔

جب کہ پاکستان کے لیے نمبر 5 پر محمد رضوان کا ریکارڈ خوفناک ہے، آغا سلمان نے دراصل اس پوزیشن پر اپنی واحد اننگز میں نصف سنچری بنائی تھی۔

رضوان نے پانچویں نمبر پر چار اننگز میں 8 اعشاریہ 75 کی اوسط اور 44 اعشاریہ 87 کے اسٹرائیک ریٹ سے 35 رنز بنائے ہیں، جبکہ ہالینڈ کے خلاف آغا کی نصف سنچری انہیں اس پوزیشن کے لیے موزوں امیدوار بناتی ہے۔

یہ ممکنہ طور پر رضوان کو نمبر 4 پر دھکیل دے گا جہاں انہوں نے اسی میچ میں 69 رنز بنائے تھے جس میں آغا نے اپنی ففٹی اسکور کی تھی۔

تاہم، خاص طور پر شان کو نائب کپتان بنائے جانے کے بعد ایسا کرنا آسان کام نہیں ہوگا۔ اگر وہ ٹیم میں کھیلتے ہیں تو وہ فخر، امام اور بابر کے ساتھ ٹاپ فور میں بیٹنگ کریں گے۔

اس سے رضوان کا بیٹنگ نمبر 5 سے اوپر نہیں ہو سکے گا جبکہ آغا سلمان کو نمبر 6 پر دھکیلنا پڑے گا۔

اس کے علاوہ، اگر آپ حارث سہیل کو مساوات میں لاتے ہیں، تو یہ اور بھی پیچیدہ ہو جاتا ہے کیونکہ وہ ٹاپ فائیو میں بلے بازی کرنا چاہیں گے اور یہ عمل رضوان اور آغا سلمان کو مزید نیچے لے جائے گا۔

اس صورتحال میں مین اِن گرین کی سبکدوش ہونے والی انتظامیہ اور پہلے ہی دباؤ کا شکار کپتان کو مزید افراتفری کا سامنا کرنا پڑ سکتا ہے۔

سلیکشن کمیٹی کا بنیادی کام کپتان کو بہترین دستیاب ٹیلنٹ فراہم کرنا ہے لیکن اس معاملے میں ایسا لگتا ہے کہ آفریدی کی قیادت والا پینل عماد بٹ اور دیگر جیسے کھلاڑیوں سے گریز کرتے ہوئے کچھ بنیادی مسائل کو حل کرنے میں ناکام رہا جو اس صورتحال میں پاکستان کو اننگز کے آخری مراحل میں برتری دلانے کے لیے بالکل موزوں ہوتے۔