کراچی پولیس شہریوں کو سیکیورٹی دینے کے بجائے دلہے کو پروٹوکول دینے میں مصروف ہے۔

تفصیلات کے مطابق کراچی کے علاقے لیاقت آباد سے سرجانی ٹاون جانے والی بلڈر کی بارات کی ویڈیو سوشل میڈیا پر وائرل ہوگئی، اس دوران شادی ہال کے اندر اور باہر مسلح افراد نے چھوٹے اور بڑے ہتھیاروں کا آزادنہ استعمال کیا گیا اور علاقہ گولیوں کی تڑ تڑاہٹ سے گونجتا رہا۔

کراچی میں شہری قیمتی جان و مال سے  محروم ہونے لگے لیکن پولیس شہریوں کو سیکیورٹی دینے کے بجائے شادی کی پروٹوکول میں مصروف ہے۔

یہ بھی پڑھیں: کراچی پولیس نے اسمارٹ کار تیار کر لی

کراچی کے علاقے لیاقت آباد سے سرجانی ٹاون جانے والی بلڈر کی بارات کی ویڈیوز سوشل میڈیا پر وائرل ہوگئیں جہاں شایان شان انداز میں سادہ لباس اہلکار دلہے میاں کی گاڑی کو سیکیورٹی دیتے رہے۔

بات یہاں پر تمام نہ ہوئی بلکہ سرجانی ٹاون میں ہونے والی بلڈر کی اس تقریب میں شادی ہال کے اندر اور باہر مسلح افراد نے چھوٹے اور بڑے ہتھیاروں کا آزادنہ استعمال کیا گیا۔

دوسری جانب شادی کی تقریب میں شدید فائرنگ کا مقدمہ لیاقت آباد تھانے میں سرکار کی مدعیت میں درج کر لیا گیا۔ مقدمہ میں دلہا اسکے دوستوں اور رشتے داروں کو نامزد کیا گیا ہے۔