پاکستان نے نیوزی لینڈ کو تین میچوں کی ون ڈے سیریز کے پہلے میچ میں باآسانی 6 وکٹوں سے شکست دے کر 1-0 کی برتری حاصل کر لی۔

کراچی کے نیشنل اسٹیڈیم میں ہونے والے اس میچ میں پاکستان نے ٹاس جیت کر پہلے فیلڈنگ کا فیصلہ کیا، نسیم شاہ نے اننگ کے پہلے ہی اوور میں ڈیون کونوے کو بولڈ کر دیا۔

 نیوزی لینڈ کے فن ایلن اور کین ولیمسن نے اننگ کو سہارا دینے کی کوشش کی لیکن فن ایلن 29 رنز بنا کر آؤٹ ہو گئے۔

نیوزی لینڈ کے مڈل آرڈر نے ذمہ دارانہ بیٹنگ کی اور ٹیم کے اسکور کو اچھے ٹوٹل تک پہنچایا، ولیمسن 26، ڈیرل مچل 36، ٹام لیتھم 42، گلین فلپس 37، مچل بریسویل 43 اور مچل سینٹر نے 21 رنز بنائے۔

پاکستان کی جانب سے نسم شاہ مہنگے بولر ثابت ہوئے مگر انہوں نے 5 کیوی بیٹسمینوں کو پویلین کی راہ بھی دکھائی،  جبکہ اپنے ڈیبیو پر اسامہ میر نے 42 رنز دے کر 2 وکٹیں حاصل کیں۔

ہدف کے تعاقب میں پاکستان نے مقررہ ہدف 48.1 اوورز میں 4 وکٹوں کے نقصان پر حاصل کر کے سیریز میں 1-0 کی برتری حاصل کر لی۔

پاکستان کی جانب سے فخر زمان اور امام الحق نے اننگ کا آغاز کیا، امام الحق 11 رنز بنا کر آؤٹ ہو گئے جس کے بعد کپتان بابر اعظم اور فخر زمان نے اسکور کو 108 رنز تک پہنچایا۔

فخر زمان 56 رنز کی اننگ کھیل کر آؤٹ ہوئے اور بابر اعظم نے 66 رنز اسکور کئے، پاکستان کے محمد رضوان نے شاندار ناقابل شکست سنچری اسکور کرتے ہوئے 77 رنز بنائے، حارث سہیل 32 رنز بنا کر ناٹ آؤٹ رہے۔

نیوزی لینڈ کی جانب سے مچل بریسویل نے 2 وکٹیں حاصل کیں جبکہ ٹِم ساؤتھی اور گلین فلپس نے 1،1 وکٹ حاصل کی۔