بول نے پنجاب میں پولیس مقابلوں کی رپورٹ حاصل کرلی

جعفر بن یار

11th Jan, 2023. 08:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بول نے پنجاب میں پولیس مقابلوں کی رپورٹ حاصل کرلی

پنجاب میں پانچ برسوں کے دوران ہونے والے پولیس مقابلوں کے حوالے سے بول نیوز نے سرکاری دستاویزات کی کاپی حاصل کرلی۔

تفصیلات کے مطابق یکم جنوری 2018 سے 15 ستمبر 2022 تک پنجاب میں ہونے والے پولیس مقابلوں میں 612 ملزمان کو جہنم واصل کیا گیا۔

رپورٹ میں بتایا گیا کہ پانچ برسوں کے دوران ہونے والے پولیس مقابلوں میں 54 پولیس اہلکاروں نے وطن کی خاطر جان کی قربانی دی، سال 2018 میں ہونے والے پولیس مقابلوں میں 67 ملزمان ہلاک ہوئے۔

رپورٹ کے مطابق سال 2019 میں ہونے والے پولیس مقابلوں میں 69 ملزمان کو ہلاک کیا گیا، سال 2020 میں ہونے والے پولیس مقابلوں میں 166 ملزمان کو ہلاک کیا گیا، سال 2021 میں پنجاب میں ہونے والے پولیس مقابلوں میں 186 ملزمان ہلاک ہوئے۔

اسی طرح ستمبر 2022 تک 124 ملزمان پولیس مقابلوں میں ہلاک ہوئے، پانچ برسوں کے دوران پنجاب بھر میں پولیس مقابلوں سے متعلق کل 544 مقدمات درج کئے گئے ۔